Ministri i Shëndetësisë, Armend Zemaj është deklaruar pas takimit virtual me Këshillin e Kryetarëve ku diskutuan për masat e reja antiCOVID.
Ai tha se masat e rrepta do ta vazhdojnë për disa komuna të caktuara.
Po ashtu Zemaj bëri të ditur se kanë dalë masa të reja nga niveli qendror teksa kërkoi bashkëpunimin e të gjithëve.
Njoftimi i plotë:
Në takimin virtual me kryetarët e komunave, biseduam për shqetësimet e ditëve të fundit dhe situatës epidemiologjike, si dhe për koordinimin e mëtejmë për respektimin e masave kundër virusit Covid-19.
Nga java e kaluar, kemi filluar me masa më të rrepta për disa qytete të Kosovës dhe do të vazhdojmë çdo ditë, me vendime operacionale, për komuna të caktuara në bazë të kategorizimit si pasojë e numrit të të infektuarve.
Lakorja e rasteve të fundit na detyrojnë për kujdes të shtuar dhe aktiv. Kërkohet bashkëpunim i ngushtë me komunat e Kosovës me theks me Kryetarët dhe Shtabet Komunale Emergjente dhe po ashtu bashkëpunim i të gjithë mekanizmave të institucioneve qendrore dhe lokale për zbatim rigoroz të masave të dala nga niveli qendror, është i domosdoshëm.
Kërkesat dhe rekomandimet do të jenë në funksion të luftës efikase kundër virusit Covid 19.
Bashkë ia dalim!
