Raportuesja për Kosovën e Parlamentit Europian, Viola von Cramon, nuk do ta krahasonte Kosovën me Republikën Sërpska si një entitet në Bosnje dhe Hercegovinë.
Ajo shprehet se madje nuk do t’i ndërlidhte në asnjë mënyrë, përcjell Klankosova.
”Unë nuk do ta krahasoja Kosovën dhe Republikën Srpska si një entitet në Bosnje dhe Hercegovinë dhe as nuk do t’i lidhja në asnjë mënyrë. Këto janë çështje të veçanta dhe ne kemi të bëjmë me Bosnje e Hercegovinën ndaras nga dialogu Kosovë-Serbi”.
”Nuk dua të spekuloj se entiteti boshnjak i Republikës Sërpska, duhet të jetë monedha për koncesionin e Serbisë ndaj Kosovës. Thjesht nuk e duam këtë që kur u ndal ndarja”, ka thënë Viola von Cramon, për Aljazira Balkan.
Von Cramon shtoi se është e nevojshme që këto vende t’i drejtohen demokratizimit të tyre, zgjidhjes paqësore të çështjeve të brendshme dhe zbatimit të plotë të reformave që lidhen me Bashkimin Evropian dhe jo krijimit të vazhdueshëm të tensioneve dhe nacionalizmit.
Për mënyrën se si ajo i vlerëson marrëdhëniet aktuale në Ballkanin Perëndimor dhe me çfarë sfidash përballet, Viola von Cramon tha se kriza aktuale i kujton Bashkimit Europian se sa i rëndësishëm është rajoni i Ballkanit Perëndimor për sigurinë dhe stabilitetin e përgjithshëm europian.
“Ka shumë çështje në rajon, por dy janë dialogu strukturor ndërmjet Beogradit dhe Prishtinës dhe Bosnjë Hercegovinës. Të dyja çështjet kanë tërhequr shumë vëmendje, duke përfshirë krizën e fundit në veri të Kosovës (targat, lufta kundër korrupsionit) dhe kriza e vazhdueshme institucionale në Bosnje-Hercegovinë”.
”Fatkeqësisht, rajoni nuk është një vend më i mirë, as më afër Bashkimit Europian, pavarësisht përpjekjeve tona për ta sjellë atë në klubin evropian sa më shpejt të jetë e mundur”, tha von Cramon.
Pyetur nëse largimi i Angela Merkelit nga politika do të ndikonte në pikëpamjen e Gjermanisë për Ballkanin Perëndimor, von Cramon tha se ata shpresonin se qeveria e re gjermane do të kishte një qasje më të fortë dhe më strikte në rajon.
