Presidenti i Serbisë, Aleksandër Vuçiq, ka deklaruar se nëse marrëveshjet e nënshkruara në Bruksel janë të vlefshme atëherë ai të premtën do ta mbledhë ekipin qeveritar për të biseduar për formimin e Asociacionit të Komunave Serbe në Kosovë.

Ai kështu deklaroi në pyetjet e gazetarëve kur flitej për vendimin e Qeverisë së Kosovës për të mos lejuar hyrjen e veturave me targa të Serbisë, pa u zëvendësuar atotë përkohshme sa janë brenda territorit të Kosovës. Kryeministri kosovar, Albin Kurti ka deklaruar se ky vendim bazohet nga Marrëveshja e Brukselit.

“Është mirë që Marrëveshja e Brukselit është e vlefshme. Nesër pres të mbajmë takim urgjent të Ekipit Menaxhues për Asociacionin e Komunave Serbe”, ka thënë Vuçiq, gjatë vizitës së tij në Budapest të Hungarisë, shkruan B92, transmeton Klankosova.tv.

Vuçiq ka theksuar se shpreson që të mos kalojnë edhe nëntë vjet të tjera pa ndodhur asgjë për çështjen e Asociacionit të Komunave Serbe.