Sot është vënë gurthemeli për ndërtimin e banjës termike në fshatin Sallabajë të Podujevës, transmeton Llapi.info.
Këtë e ka bërë të ditur Kryetari i Komunës së Podujevës, Aim Veliu, përmes një statusi në rrjetin social Facebook i cili ka shkruar se objekti në fjalë pritet të jetë një qendër moderne shëndetësore dhe rehabilituese.
Ja edhe postimi i plotë i Veliut:
Sot vendosëm gurthemelin për ndërtimin e banjës termike në fshatin Sallabajë.
Ky projekt do të realizohet falë investimit të kapitalit të biznesmenit llapjan Mustafë Abazi, i cili vepron në Gjermani.
Ky objekt pritet të jetë një qendër moderne shëndetësore dhe rehabilituese, e cila do të ofrojë edhe mundësi punësimi për qytetarët tanë.
Komuna e Podujevës mbetet e përkushtuar në ofrimin e kushteve të favorshme për të bërit biznes.
