Instituti Kombëtar i Shëndetit Publik në Kosovë (IKSHPK), ka regjistruar sot edhe 3 raste të reja me virusin korona, pas testimit të 1.105 mostrave në laboratorët shtetërorë dhe privatë, raporton Llapi.info.
Siç ka njoftuar ky Institut, brenda 24-orëve nuk është raportuar asnjë rast i vdekjes me SARS CoV-2 pozitiv, derisa janë shëruar 5 pacientë. Rastet e reja janë nga Komunat: Gjakovë, Gjilan dhe Pejë.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,800 pacientë me këtë virus. Prej tyre 2,261 kanë vdekur, kurse janë shëruar deri më sot 105.381. Në total numri i rasteve aktive është 158./Llapi.info
