“Llapi Cycling Group” ka organizuar një aktivitet me biçikleta i cili do të jetë i gjatë 25 kilometra, raporton Llapi.info.
Ky aktivitet me biçikleta është mbështetur edhe nga Drejtoria për Kulturë, Rini dhe Sport, Stacioni i Policisë në Podujevë, Qendra Kryesore e Mjekësisë Familjare dhe Drejtoria e Shërbimeve Publike, Mbrojtjes dhe Shpëtim.
Për ta përkrahur këtë aktivitet, pjesëmarrës ishte edhe kryetari i komunës së Podujevës, Agim Veliu, së bashku me një delegacion nga Velberti i Gjermanisë, e që ky aktivitetet edhe është organizuar në shenjë mirëseardhje të mysafirëve.
“Sot bashkë me mysafirët nga qyteti Velbert i Gjermanisë morëm pjesë në aktivitetin “Me biçikleta n’Pranverë”, i organizuar nga Llapi Cycling Group, me mbështetje të Komunës së Podujevës. Aktiviteti u organizua në shenjë mirëseardhje për delegacionin nga Velberti, qytet me të cilin jemi në procedurë të binjakëzimit”, ka thënë Veliu në Facebook./Llapi.info
