Ka ndërruar jetë dje në QKUK një grua nga Podujeva, e cila kishte pësuar lëndime të rënda në një aksident trafiku në muajin nëntor.
Policia e Kosovës përmes një komunikate për media bën të ditur se në aksidentin e ndodhur më 26 nëntor në fshatin Lupç i Poshtëm ishin të përfshira tri vetura.
“Viktima, grua shqiptare, e cila ishte duke u trajtuar në QKUK, për shkak të lëndimeve që kishte pësuar në aksident me datën e cekur (26.11.2017), në të cilin ishin përfshirë tri vetura, ka ndërruar jetë më 07.12.2017. Me urdhër të prokurorit, trupi i pajetë i viktimës është dërguar në IML për obduksion. Rasti është duke u hetuar”, thotë PK.
