Mërgimtarët po vazhdojnë t’i paguajnë pagesat e polisave kufitare, shkruan Llapi.info.
Kështu ka thënë për Llapi.info edhe një bashkatdhetar nga Podujeva, i cili jeton në Linz të Austrisë.
I njëjti ka dërguar edhe fotografinë ku shihet se pagesa është kryer sot, në vlerë të përgjithshme prej 15 eurove. Këtë pagesë ai e ka bërë nëpërmjet pikës kufitare në Merdare.
Ndërkohë, Qeveria Kurti pak para se të votohej qeveria e re mori vendim që të heqë shpenzimet për kartonin e gjelbërt për vitin 2020.
Lexo edhe: Qeveria Kurti ia largon diasporës shpenzimet për kartonin e gjelbër
Tashmë ish-ministri i Financave, Besnik Bislimi si propozues i këtij vendimi tha se këtë po e bëjnë për t’i lehtësuar diasporës ardhjen në Kosovë.
Sipas tij, vizita e diasporës është e rëndësishme për Kosovën dhe për ekonominë e vendit.
Ende nuk dihet se a do të qëndrojë në fuqi vendimi i Qeverisë Kurti, që diasporës t’u hiqet pagesa e kartonit të gjelbërt./Llapi.info