Llapi ka pësuar humbje të thellë në udhëtim te Ballkani në Suharekë me rezultat 4-2, raporton Llapi.info.
Rezultati u zhbllokua qysh në minutën e 12’, ku Nazmi Gripishi i nikoqirëve shënoi për 1-0.
Ermal Krasniqi u përkujdes për të shtuar epërsinë e vendasve në 2-0 në minutën e 24.
Ballkani nuk i ndali sulmet në asnjë moment në pjesën e parë teksa shënoi edhe dy gola të tjerë.
Nazmi Gripshi realizoi në minutën e 38-të për 3-0, teksa Mirlind Daku gjashtë minuta më vonë për 4-0.
Me epërsinë prej katër golave të vendasve skuadrat shkuan në pushim mes dy pjesëve.
Ballkani në pjesën e dytë luajti më qetë duke mos shpenzuar shumë energji, teksa mysafirët shënuan edhe dy gola
Elvis Prenci në minutën e 52-të dhe Ahmed Januzi në të 80-tën realizuan për rezultatin përfundimtar 4-2.
Me këtë fitore Ballkani vazhdon të mbetet lider në tabelë me 29 pikë pas 12 ndeshjeve, tri më shumë se Drita që ka një lojë më pak të zhvilluar. Ndërkaq, Llapi i ka veç 8 pikë pas 12 javëve.
Në xhiron e radhës, Llapi ka punë me Prishtinën, e në në anën tjetër, Ballkani i shkon Drenicës./Llapi.info
