Presidenti Thaçi ka ritheksuar se deri më tani nuk ka marrë ftesë nga Haga.
Ai ka thënë se nuk është “evlia” ta di nëse do të ketë ose jo ftesë, por e ka pranuar se nëse do të ketë, atëherë do t’i përgjigjet sikur të gjithë bashkëluftëtarët e tij të UCK-së.
Derisa e ka thënë preras se nuk do të heqë dorë nga posti i presidentit.
“As ndërmend nuk e kam. Pse të shkojmë te shtëpia, pasi nuk jemi të akuzuar. Nuk kam asnjë arsye të shqetësohem. Nëse më vjen ftesa, do t’i përgjigjem”, është shprehur Thaçi në T7, teksa ka bërë të ditur se deri më tash nuk ka pasur asnjë ftesë nga Gjykata Speciale në Hagë.
