Studim: Miliona fëmijë po vdesin pasi nuk po u mësohet noti në shkolla

Miliona jetë fëmijësh të vegjël po vihen në rrezik për shkak se shkollat nuk po mësojnë se si të notojnë.

Kështu thuhet në një paralajmërim të fundit nga hulumtimet e bëra në Britani.

Pothuaj një e treta e nxënësve po braktisin shkollën fillore pa aftësi në ujë sepse mësimdhënësit po përqëndrohen në lëndët që vlerësohen nga inspektorët, thuhet tutje në studim.

Shumë të tjerë kanë aftësi të pamjaftueshme për të dalë nga telashet sipas prindërve të nxënësve në vitin 6 (viti i tyre i fundit në shkollën fillore), dy të tretat e të cilëve kanë frikë se fëmijët e tyre nuk mund të shpëtonin pa ndihmën e dikujt.

Një në 20 shkolla nuk mësojnë notin fare, pavarësisht se lënda është në kurrikulë për më shumë se 20 vjet.

Ish notuesi olimpik britanik, Steve Parry, ka thënë se vetëm në Britani mbi një mijë shkolla nuk mësojnë për notin edhe pse është një kërkesë statusore.

”Ne po dështojmë fëmijët tanë duke mos i ndihmuar ata të mësojnë një aftësi thelbësore. Qindra njerëz mbyten çdo vit dhe kjo është diçka që mund ta përmirësojmë” shprehet Parry.

”Siguria e ujit është e vetmja pjesë e planprogramit kombëtar që do të shpëtojë jetën e fëmijëve. Nuk mund të trajtohet si një shtesë fakultative”, ka përfunduar sportisti i njohur i ujërave.

Ndryshe në Kosovë, në shkolla ende nuk praktikohet noti nga nxënësit, pavarësisht se hyn në lëndë obligative mësimore.