Sigal Prishtinë tjetër në pjesë të dytë

Sigal Prishtinë tjetër në pjesë të dytë

Deklarata e Antonis Constantinides pas fitores së madhe të Prishtinës ndaj Kozuvit mbrëmë.

I lumtur nga fitorja e arritur, trajneri i Sigal Prishtinës, Antonis Constantinides ka thënë se ekipi i tij e ka merituar fitoren në fund të përballjes tejet interesante

“Ka qenë ndeshje tepër interesante. Të dyja skuadrat kishin nga një pjesë shumë të mirë. Ne ia nisëm keq, por pas pushimit ishim ekip tjetër, ”ka thënë Constantinides pas ndeshjes për faqen zyrtare të BIBL.

“Ka qenë një ekip që dëshirojmë ta shohim në parket. Me personalitet, energji, pasion dhe shut të mirë. Në fund, mendoj se e merituam fitoren, ndërsa rivalit i uroj suksese në ndeshjet e radhës, ”ka shtuar ai.

Constatinides ka kapuar serinë e fitoreve 7-0 me Sigal Prishtinën prej se ka ardhur në krye të ekipit në fillim të këtij viti.