Vedat Muriqi vazhdon të jetë njëri nga sulmuesit më të kërkuar në Evropë.

Ylli nga Kosova ka shkëlqyer me Fenerbahcen këtë edicion në Superligën e Turqisë, duke shënuar 12 gola e duke dhuruar katër asistime.

E falë kësaj forme të shkëlqyer në garë për kosovarin janë vënë shumë skuadra të mëdha duke përfshirë Manchester United, Tottenham Hotspur, Monaco, Napoli e Lazio.

Brighton, Leicester City, West Ham United e Burnley janë skuadrat tjera angleze që po interesohen për reprezentuesin e Kosovës.


Por së fundmi garës i është bashkuar edhe skuadra tjetër angleze Aston Villa.

Madje sipas medieve turke, Aston Villa ka gati një ofertë prej 35 milionë eurove për transferimin e Muriqit në Ligën Premier.

Mbetet të shihet nëse Fenerbahce do të kënaqet me ofertën e Villas dhe nëse ky klub do të pranohet nga Muriqi.

25-vjeçari nga Prizreni ka kontratë me gjigantin nga Stambolli deri në qershor të vitit 2023.