Ballina Lajmet “Shkrumbohen” sipërfaqet me pyje në disa fshatra të Podujevës

“Shkrumbohen” sipërfaqet me pyje në disa fshatra të Podujevës

27/04/2021

Në disa fshatra të Komunës së Podujevës janë djegur sipërfaqet me pyje, raporton Llapi.info.

Si pasojë e kësaj janë dëmtuar pishat, shkurret dhe sipërfaqe tjera, ndërkohë që zjarrfikësit janë duke u përpjekur lokalizimin e zjarrit.

Kështu ka bërë të ditur në një njoftim Komuna e Podujevës, derisa në vendin e ngjarjes, sipas njoftimit, ka dalë edhe Drejtori i Bujqësisë, Pylltarisë dhe Zhvillimit Rural, Vigan Salihu.

May be an image of one or more people, people standing, mountain, tree, nature and sky

“Ditëve të fundit disa sipërfaqe me pyje në disa fshatra janë përfshirë nga zjarret, Drejtori i Bujqësisë, Pylltarisë dhe Zhvillimit Rural, Vigan Salihu bashkë me zyrtarë të drejtorisë kanë dalur në terren për të parë gjendjen nga afër. Komuna është në koordinim të vazhdueshëm me ekipet e zjarrfikësve, të cilët po bëjnë përpjekje maksimale për lokalizimin dhe shuarjen e zjarrit. Lokalizimin e zjarrit po e vështirëson era e fortë që po fryne, e që përshpejton përhapjen e zjarrit. Zona më e prekur nga zjarri është fshati Reqicë, vendi i quajtur Lluqefc, si dhe Kërrshi i Uglarit me rreth 15 hektarë dhe zonat përreth. Drejtori Salihu ka bërë apel te të gjithë qytetarët e Komunës së Podujevës që të jenë më të kujdesshëm dhe të kontribuojnë në ruajtjen e mjedisit si dhe të lajmërojnë institucionet relevante në rast se shohin zjarr në pyje”, thuhet në njoftim.

Duhet theksuar se kjo dukuri e djegies së pyjeve vazhdimisht përsëritet vit pas viti, përkundër thirrjeve të shumta që bëhen për t’u evituar një gjë e tillë./Llapi.info