Një test i urinës i cili e ndryshon ngjyrën nëse e detekton kancerin mund të ndihmojë në diagnostikimin e kësaj sëmundje në të ardhmen, thonë shkencëtarët.
Testimet me minj kanë treguar se testi funksionon, ku urina e tyre ka marrë ngjyrë të kaltër nëse është detektuar kanceri në zorrë të trashë, transmeton Telegrafi.
Shkencëtarët shpresojnë se në të ardhmen testi do të jetë një mjet i ri diagnostikimi, i cili do të jetë më i lirë dhe më i lehtë sesa metodat aktuale.
Zbulimi i sëmundjes së kancerit herët është esencial sepse i rritë shanset e mbijetesës.
Vlen të ceket se ky studim është publikuar në “Nature Nanotechnology”.
