Një student në Mumbai ka pasur fatin e keq, kur derisa po ecte nëpër rrugët e lagjes ku jeton shkel në një kabllo të tensionit të lartë, duke bërë kështu që të ndodh një shpërthim i madh ku nga zjarri i madh i riu përfshihet nga flaka.

Subham Soni, 20-vjeç, filloi të kërcen nëpër rrugë për të larguar flakën që i ishte kapur në rroba në momentin që kishte shkelur kabllon në Mumbai, duke pësuar kështu djegie në 25 për qind të trupit, transmeton Telegrafi.

Kamerat e sigurisë kanë kapur momentin kur i riu derisa po i afrohej një taksie të parkuar në skaj të rrugës, befasisht ndodh shpërthimi i fuqishëm kur ai shkel kabllon.

I riu menjëherë është dërguar në spital ku është trajtuar për djegie në 25 për qind të trupit, kurse mjekët kanë bërë të ditur se do t’i duhen disa javë që të rikuperohet plotësisht.