Qyteti i vjetër i Regensburg me katedralen e tij, urën e gurtë dhe bashkinë e qytetit, është një vend i Trashëgimisë Botërore të UNESCO-s që nga viti 2006.
Qyteti në Danub mund të eksplorohet lehtë në këmbë, njofton Klan Kosova.
Dhe këto më poshtë janë ndalesat që nuk duhet humbur.
Katedralja e Reseburgut
Katedralja e Shën Pjetrit konsiderohet katedralja më e rëndësishme gotike në Gjermani, pas Katedrales së Cologne. Dhe sikurse ajo, kjo katedrale ishte përfunduar në shekullin XIX. Në vitin 2019, njerëzit e Regensburg kanë mbajtur edhe festa dhe e kanë bërë katedralen një pikë referimi të Regensburgut.
Mbetjet romake
Themeli i Regensburgut kthehet pas në kohën e Castra regina, një kamp legjionar romak në shekullin e dytë pas Krishtit. Mbetjet e murit të fortifikesës janë ruajtur edhe sot e kësaj dite, ashtu si pjesë të portës së veriut romak, Porta Praetoria, që formojnë fasadën e oborrit të peshkopit (Bischhofshof).
Vendi i Famullisë së Re – Neupfarrplatz
Relievi i tokës pranë kishës Neupfarrkirche është një kujtesë e sinagogës në lagjen hebreje mesjetare të Regensburgut. Për 500 vjet një komunitet hebre lulëzoi këtu, i cili u bë viktimë e një mashtrimi në vitin 1519. Urrejtja ndaj hebrenjve çoi në dëbimin e komunitetit dhe shkatërrimin e lagjes. Nuk është gjithashtu rastësi që qyteti vendosi të ngrejë një kishë në vend të sinagogës.
Salla e Asamblesë Perandorake në Sallën e Qytetit të Vjetër
Shtëpia e Qytetit të Vjetër (djathtas) nga shekulli XIII është më e vjetër, por Reichssaalgebäude, Salla e Asamblesë Imperiale (qendër) është më e famshme. Për më shumë se 200 vjet Kuvendi i Perandorisë së Shenjtë Romake u takua në sallën në katin e sipërm. Fakti që perandorët, zgjedhësit dhe të dërguarit e Regensburgut që mblidheshin aty ishte natyrshëm i mirë për ekonominë lokale, pasi edhe këta njerëz duhej të hanin dhe të flinin.
Magazina e kripës “Salzstadel”
Salzstadel që daton nga viti 1620 u përdor për një kohë të gjatë për të ruajtur kripën që u dërgua në Regensburg përmes Danubit. Ndërtesa e mrekullueshme në Urën e Gurit u rinovua gjerësisht më 1991. Sot ajo strehon Qendrën e Vizitorëve të Trashëgimisë Botërore Regensburg, përveç restoranteve dhe galerive.
Ura e Gurit (Steinerne Brücke)
Pranë katedrales ky është monumenti i dytë i Regensburg, Ura e Gurit, e cila është e shtrirë përgjatë Danubit dhe daton që nga shekulli i 12-të. Konsiderohet ura më e vjetër e ruajtur në Gjermani. Vitet e fundit është rinovuar gjerësisht dhe tani mund të kalohet vetëm nga këmbësorë dhe çiklistë.
Kuzhina Historike e Sallamit (Historische Wurstkuchl)
Pranë Urës së Gurit është Historische Wurstkuchl, një nga më të vjetrat në llojin e saj. Gjatë ndërtimit të urës, ndërtesa shërbeu si depo dhe zyrë, pas përfundimit të saj ajo u shndërrua në një kuzhinë me sallam. Për më shumë se 850 vjet, njerëzit kanë mundur të hanë këtu. Bratwursts (mish derri i fërguar apo në skarë) me lulelakër dhe mustardë e ëmbël janë shumë të njohura.
Argëtim buzë lumit
Obere Wöhrd është një nga dy ishujt e Danubit në mes të Regensburg, tek i cili mund të shkohet përmes Urës së Gurit. Përdoret si zonë rekreative lokale, që ka një pishinë të hapur, nga ku mund të shijoni një pamje të shkëlqyeshme të qytetit të vjetër.
Rrethi Stadtamhof
Ura e Gurit të çon nga qyteti i vjetër i Regensburg direkt në Stadtamhof. Qyteti, që dikur ishte i pavarur u bë pjesë e Regensenburgut më 1924 dhe është gjithashtu pjesë e Trashëgimisë Botërore të UNESCO-s. Arkitektura klasike dhe stili barok nga fillimi i shekullit XIX mbizotëron. Në vitin 1809, pjesë të mëdha u shkatërruan në luftën franceze-austriake.
Kopsht birre në rezidencën e peshkopit të vjetër
Ndalesa e fundit në një shëtitje mund të jetë gjykata e peshkopit (Bischofshof). Vendbanimi i mëparshëm i peshkopëve tani është shtëpia e muzeut të thesarit të katedrales dhe një kopshti të birrës. Udhëtarët ishin akomoduar tashmë këtu gjatë kohës së Kuvendit Perandorak në shekujt 17 dhe 18.
