Nga nesër (18 maj) masat për parandalim të përhapjes së pandemisë do të ndryshojnë.
Kjo pasi numri i rasteve të reja me coronavirus në vend ka shënuar rënie, ndërsa janë regjistruar numër më i madh i të shëruarve.
Qarkullimi i qytetarëve sipas shifrës së parafundit të numrit personal, është i ndarë në dy pjesë – 120 minuta mund të lëvizni paradite dhe 120 minuta pasdite.
IKSHPK sot ka njoftuar për 23 raste të shëruara dhe 7 raste të reja me coronavirus në Kosovë.
Aktualisht janë gjithsej 985 raste me COVID-19, me 736 të shëruar dhe 29 të vdekur.
Ndërkaq, sipas Ministrisë së Shëndetësisë faza e tretë e masave do të nis nga 2 qershori deri në vendimin e radhës.
Ju sjellim orarin e ri të lëvizjes i cili fillon nga nesër (e hënë) deri me 1 qershor./Telegrafi/
