Orari i plotë i ndeshjeve kualifikuese të Kosovës për Evropian

Kosova sot ka mësuar kundërshtarët për kualifikim në kampionatin Evropian në basketboll që do të mbahet në vitin 2017.

Kampionati Evropian do të mbahet në katër shtete: Finlandë, Turqi, Izrael dhe Rumani, ndërsa për kualifikim do të luftojnë 27 kombëtare, për herë të parë edhe Kosova, raporton Koha.net.

Kosova gjendet në Grupin E së bashku me Slloveninë, Ukrainën, dhe Bullgarinë, ndërsa takimet kualifikuese do t’i luaj nga 31 gusht deri më 17 shtator 2016.

Takimin e parë e luan si mysafir kundër Sllovenisë më 31 gusht, kurse takimet luhen në sistemin vajtje-ardhje. Dy vendet e para në grup e sigurojnë biletën për në Evropian.

Orari i plotë i ndeshjeve është ky:

Slloveni-Kosovë 31 gusht 2016

Kosovë-Ukrainë 3 shtator 2016

Bullgari-Kosovë 7 shtator 2016

Kosovë-Slloveni 10 shtator 2016

Ukrainë-Kosovë 14 shtator 2016

Kosovë-Bullgari 17 shtator 2016