Nëntori i Përgjakur

Shkruan: Islam Krasniqi

Zhvillimet e fundit në vend për festën e Flamurit, 28 Nëntorin, na rikthyen kujtesën mbrapa dhe na kujtojnë kohën e regjimit famëkeq të kasapit të Ballkanit Milloshoviqit, i cili i shtypke protestuesit dhe popullin shqiptar, duke i quajtur kriminel. Duke i parë nga afër dhunën e përdorur ndajë selis së LVV-së dhe protestuesve, gjithnjë e më shumë po shqetësojnë qytetarët e Kosovës, sepse ka filluar të vijë një aromë e Lindjes së Mesme!

Prokurorit dhe Gjykatat e tona nuk i dënojnë ata që na vranë, ata që kryen krimin, por i dënojnë ata që mendojnë ndryshe, ata që dëshirojnë ta punojnë, kjo ndodh, sepse ata kanë frikë se po ju prishet vendi dhe rehatia, dhe se shumica kanë mbetur aty që nga regjimi famëkeq i Milloshoviqit apo me mirë të themi pjesë e UDB-ës.

Z. Kurti ishte prangosur dhe maltretuar nga policia serbe disa herë, pastaj nga policia e UNMIK-ut, EULEX-i, vetëm e vetëm pse kundërshtonte gjerat negative që ndodhnin në vendin tonë , përkatësisht për kundërshtimin e decentralizimit mbi baza etnike, për kundërshtimin e pakos së Ahtisaarit e cila kishte shume gjera negative për vendin tonë, për kundërshtimin e eksterritorialitetit, për kundërshtimin e sundimit ndërkombëtar etj, gjë që po i vuajmë pasojat tani, kurse tani prapë arrestohet ama këtë herë nga Policia e Kosovës dhe atë vetëm e vetëm pse po e kundërshton Zajednicen dhe Demarkacionin me Malin e Zi. Kjo është kulmi, kjo është vrasje e demokracisë!
“Liria është thelbi i shpirtit dhe i mendjes, aty ku s’ka liri, mendja dhe shpirti thahen si bima pa ujë.”- Sami Frasheri –
Gabimet e një pas njëshme të pushtetit aktual s’kanë të ndalur, ku policia e R. së Kosovës haptas tregon mllefin dhe inatin ndajë opozitës dhe përkrahësve të tyre, ku po ditën e pavarësisë së Shqipërisë Etnike, festës së flamurit policia arrestoj mbi 100 protestues. Qeveria e Kosovës nuk i kursej as një njësi të vetën ndaj aktivistëve të LVV-së, ku mbi 1500 polic i aktivizojë duke e skuqur tokën me gjak nga dhuna e tepruar.

Festa e Flamurit e tregoi errësirën e qeveris sonë me rastin e arrestimit të komandantit të UÇK-së në zonën e Pashtrikut, Gani Krasniqi, ish kryetarit të KK. të Malishevës, i cili tërë jetën e ti ia kushtojë Kosovës, ku 15 vite ishte dënuar nga Serbia dhe kishte mbajtur mbi 10 vite burg, pastaj luftëtar në tri luftërat çlirimtare, baba dhe axhë i dëshmorëve të Kombit, dhe për çudi policia e jonë të përgjakur e nxjerrë nga selia e VV-së dhe e dërgon në qeli, atje ku dikur e kishte quar edhe Serbia. A vërtet zajednica ka vlerë me të madhe së familjet e dëshmorëve, po këta luftuan për ta larguar Serbin nga këto troje, e ju mendoni së me marrëveshje dhe bisedime dëshironi të na ktheni brenda këtu. Populli çdo ditë e me shumë po ik nga Kosova sepse qeveria dhe kuvendarët tanë po punojnë vetëm për interesa të veta, që pagat e tyre të rritën dhe pasi të përfundojnë mandatin e tyre të marrin pagën sikur të ishin në punë, dhe popullin e frikojnë duke ju treguar dhembet. Një thënie e Thomas Jefferson thotë: “Kur Poplli i frikohet qeveris së tij, aty ka tirani, kur qeveria i frikohet popullit, aty ka liri.
Me shpresë që një dite të bëhemi të Zotë, që të vendosim vet për fatin tonë, pa leje të Beogradit ,sepse askush nuk mund të vendos për fatin e shqiptarëve pos vet shqiptarët.

Opinionet e autorëve nuk paraqesin domosdoshmërisht edhe opinionin e redaksisë së portalit “Llapi.info”.