Bashkatdhetarë të shumë nga vendet e ndryshme tashmë ia kanë mësyrë Kosovës për t’i ndjekur nga afër zgjedhjet e 6 tetorit.
E një prej tyre është edhe Sinan Asllani. Ky i fundit ka publikuar edhe një video duke treguar se tashmë është nisur me shpejtësi të madhe, siç thotë ai, për ta bërë ndryshimin.
“Quhem Sinan Asllani dhe vij nga shtetet federale gjermane, udhëtojmë për Kosovë me shpejtësi 126 km/h, për ta bërë ndryshimin të domosdoshëm. 126 zemra së shpejti do të nisen nga qyteti im, 126 është numri i Lëvizjes Vetëvendosje, 126 është numri jonë dhe numri i juaj”, shprehet ai në videon të cilën e ka publikuar në Facebook.
Ndërkohë edhe Gazmend Gjonbala, menaxheri i shumë ndërmarrjeve të njohura, i cili ndër të tjera ka punuar edhe në Bloomberg e NYFIX ka dalur hapur në mbështetje për Albin Kurtin duke deklaruar se nëse ky i fundit fiton dhe premton drejtësi e sundimit të ligjit, ai është në gjendje të ndihmojë ekonominë e vendit me 50 milionë euro./Llapi.info