Më shumë se gjysma e atyre që ndërruan jetë nga coronavirusi, janë nga shtëpitë e pleqve në Zvicër.
Nga 1891 persona që kanë ndërruar jetë, 53 përqind kanë dalë nga shtëpitë e pleqve, thuhet në një hulumtim të kryer nga gazeta Tages-Anzieger.
Shifrat më të larta janë në disa kantone. Për shembull në Cyrih nga 127 vdekje që kanë qenë, 81 janë nga shtëpitë e pleqve që në përqindje i bie 64%.
Studiuesit dyshojnë se ka shifra edhe më të larta të vdekjeve pasi që vetëm tri kantone japin të dhëna edhe për vendin se ku jetojnë ata persona që tashmë kanë ndërrruar jetë.
Numri i vdekjeve në shtëpitë e pleqve është afërsisht i ngjashëm me atë në Suedi, ku atje vendi kishte vendosur vetëm rregulla minimale të bllokimit, përcjellë albinfo.ch.
Shifrat nga studimi vijnë nga vetëm 18 nga 26 kantonet e vendit, megjithatë këto përbëjnë 94 përqind të vdekjeve totale të koronavirusit të Zvicrës.
