Komuna e Podujevës në bashkëpunim me Federatën e Triathlonit të Kosovës, kanë organizuar sot garat Kosova Sprint Triathlon në tri diciplina: Not, çiklizëm dhe vrapim, transmeton Llapi.info.
Në këtë aktivitet kanë marrë pjesë nënkryetarja e Komunës, Marigona Lahu dhe drejtoresha e Kulturës, Rinisë dhe Sportit, Elhame Kutllovci. Nënkryetarja Lahu përgëzoi garuesit dhe tha se Komuna e Podujevës përherë do të qëndrojë afër duke mbështetur aktivitete dhe organizime të tilla garuese sportive.
Ky aktivitet ndërkombëtar i sportit mbahet për herë të dytë në Komunën e Podujevës.
Në garat e zhvilluara që u mbajtën në Liqenin e Batllaves kanë marrë pjesë shumë garues nga vende të ndryshme të botës.
Fituesit e garës së Kosova Sprint Thriatlon për vajza:
1. Rita Zeqiri
2. Silvia Morina
3. Agnisezka Dolezek
Për djem
1. Dimitar Jovanovski
2. Albion Ymeri
3. Nikola Kutanoski./Llapi.info
