Instituti Kombëtar i Shëndetit Publik në Kosovë (IKSHPK), ka regjistruar sot edhe 5 raste të reja me virusin korona, pas testimit të 1.177 mostrave në laboratorët shtetërorë dhe privatë, raporton Llapi.info.

Siç ka njoftuar ky Institut, brenda 24 orëve nuk është raportuar asnjë rast i vdekjes me SARS CoV-2 pozitiv, derisa janë shëruar 94 pacientë.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,583 pacientë me këtë virus. Prej tyre 2,250 kanë vdekur, kurse janë shëruar deri më sot 104.988. Në total numri i rasteve aktive është 345./Llapi.info