Instituti Kombëtar i Shëndetit Publik në Kosovë (IKSHPK), ka regjistruar sot edhe 14 raste të reja me virusin korona, pas testimit të 1.984 mostrave në laboratorët shtetërorë dhe privatë, raporton Llapi.info.

Siç ka njoftuar ky Institut, brenda 24 orëve është raportuar një rast i vdekjes me SARS CoV-2 pozitiv, derisa janë shëruar 12 pacientë.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,739 pacientë me këtë virus. Prej tyre 2,258 kanë vdekur, kurse janë shëruar deri më sot 105.310. Në total numri i rasteve aktive është 171./Llapi.info