Një sulm vetëvrasës në një qendër votimi në kryeqytetin e Afganistanit, Kabul, ka lënë të vdekur 31 persona, shkruan BBC, njofton Klan Kosova.

Mbi 50 të tjerë janë lënduar nga shpërthimi që goditi turmën që po priste tek hyrja e qendrës.

Përgjegjësinë për sulmin e ka marrë ISIS, përmes agjencisë së tyre të lajmeve Amaq.

Regjistrimi i votuesve ka filluar këtë muaj për zgjedhjet e ardhshme, që pritet të mbahen në tetor.

Ky është sulmi i katërt në një qendër të tillë që kur ka filluar regjistrimi i votuesve.