Kryeministri britanik Boris Johnson i është rikthyer premtimit të tij ‘bëje ose vdis’ për Brexit dhe premtoi se do ta bëjë Britaninë vendin më të mirë në botë ndërsa përgatitet për bisedimet me kancelaren gjermane Angela Merkel.

Siç raportojnë mediat britanike, përcjell Telegrafi, Johnson do të udhëtojë sot në Berlin për të takuar kancelaren gjermane, kur pritet të sqarojë se është serioz për Mbretërinë e Bashkuar që largohet nga BE, me ose pa një marrëveshje më 31 tetor.

Kryeministri u përpoq të vinte tonin në takimin në fjalë duke publikuar edhe një video të fjalimit të tij të parë në hapat e parë të rrugës drejt Downing Street.

Ai ka shkruar: “Ne do ta lëmë BE-në më 31 tetor dhe do ta bëjmë këtë vend më të mirin në botë për të jetuar”.

Përpjekja e tij, sipas mediave britanike bëhet për t’i treguar BE-së se ai synon t’i përmbahet afatit aktual të Halloween.

Takimi i Johnson me Merkel dhe një takim tjetër me presidentin francez Emmanuel Macron në Paris nesër në drekë, vijnë pasi shanset për një “JO ndarjes” nga BE-ja duken gjithnjë e më shumë të mundshme. /Telegrafi/