Ky është një gjest për t’u duartrokitur i shoferes së një autobusi që pa u menduar dy herë ndali autobusin për të marrë një djalë 6-vjeç dhe motrën e tij 2-vjeçe, të cilët i pa të veshur me rroba të holla dhe pa pallto në temperaturat e ulëta që kanë kapluar Wisconsinin.

Nicole Chamberlain pa të vegjlit në orët e para të mëngjesit në Waukesha. Aty ku temperaturat këto ditë kanë rënë shumë, transmeton Telegrafi.

Në videon e filmuar nga kamera e sigurisë brenda autobusit, shihet shoferja duke futur me shpejtësi vëllanë dhe motrën që më pas i ulë dhe mbuloi me batanije. Madje një pasagjer dëgjohet duke thënë: “Fëmijët e vegjël janë pa rroba të trasha”.

“Gjithqka është në rregull zemër, tani je mirë dhe brenda autobusit është nxehtë”, shtoi shoferja e autobusit.

“Asnjëri prej tyre nuk kishte pallto. Vajza e vogël madje kishte një bluzë shumë të hollë”, ka deklaruar Chamberlain për televizionin FOX6.

Siç raportojnë mediat lokale ata po prisnin gjyshen e tyre e cila pas disa minutave u fut në autobus, ndërkaq veprimi i kësaj shofereje është aplauduar nga të gjithë ata që kanë pasur rastin ta shohin.