Deputetja e PDK-së, Ganimete Musliu thotë se Memli Krasniqi e meriton të jetë udhëheqës i kësaj partie, pasi sipas saj Krasniqi ishte ai i cili u anëtarësua në këtë parti pa asnjë hezitim, kur PDK ishte në opozitë.

Ajo për arbresh.info thotë se PDK me Memli Krasniqin do ktheht përsëri fuqishëm.

“Memli Krasniqi është kandidati i duhur në kohën e duhur. Është një djalë, i cili atëherë kur shumë djem dhe vajza hezitonin ta përkrahnin PDK-në, hezitonin t’i bashkoheshin PDK-së, ai iu bashku me bindje të plotë, me vullnet të plotë, me energji të reja PDK-së në kohën kur ishim në opozitë. Punoi fort që PDK të vijë në pushtet dhe PDK me Memli Krasniqin do kthehet përsëri fuqishëm”, u shpreh Musliu.