eoricienët e konspiracionit të COVID-19 po kërkojnë të përfitojnë nga miliona ndjekës që ata kanë krijuar në Instagram gjatë pandemisë duke reklamuar shtesa shëndetësore, nga të cilat po fitojnë materialisht.
Byroja e Gazetarisë Hulumtuese ka identifikuar më shumë se 100 llogari konspirative rreth COVID-19 që promovojnë produkte për një audiencë prej gati 6 milionë njerëz në Instagram, e cila është në pronësi të Facebookut.
Facebook këmbëngul se po ndërmerr më shumë veprime në lidhje me keqinformimin shëndetësor, por kanalet e konspiracionit në platformë janë gjithnjë në rritje të popullaritetit. Në tre muajt e parë të këtij viti 100 llogaritë fituan pothuajse një milion ndjekës mes tyre.
Kjo potencialisht e vë gjigantin e teknologjisë në shkelje të marrëveshjes me qeverinë e Mbretërisë së Bashkuar nëntorin e kaluar ku ka thënë se do të punojë për të ndaluar përdoruesit të përfitojnë nga dezinformimi i vaksinës së koronavirusit në internet.
Llogaritë e ndjekura përfshinin një grup të quajtur “Health Freedom for Humanity“ (HFFH). Drejtori ekzekutiv dhe bashkëthemeluesi i grupit është Alec Zeck, një 28-vjeçar që shërben si kapiten i ushtrisë amerikane dhe lojtar i hendbollit në nivelin Olimpik.
Faqja me 85 mijë ndjekëse e Zeck në Instagram ka një sërë pretendimesh mashtruese, duke përfshirë që virusi COVID-19 nuk është izoluar kurrë. Llogaria e tij promovon HFFH-në, por gjithashtu tregon për një faqe në linktr.ee, një startup i përdorur gjerësisht nga përdoruesit e Instagramit për të drejtuar përdoruesit te burime të tjera, sponsorë dhe produkte për shitje.
HFFH-ja mbetet një faqe mashtruese, e ndërtuar përmes teorive të konspiracionit, pasi zyrtarë të saj kanë thënë se COVID-19 nuk ekziston.
