Policia e Kosovës ka raportuar për një rast të vjedhjes që ka ndodhur më 20 maj të këtij viti në Prishtinë.

Sipas raportit të policisë thuhet se ankuesi mashkull kosovar ka raportuar se person-a të panjohur me forcë kanë depërtuar në brendinë e shtëpisë së tij dhe nga aty përveç disa gjësendeve tjera, i kanë vjedhur një armë për të cilën kishte leje. Rasti vazhdon të hetohet.

Telegrafi mëson se vjedhja ka ndodhur në shtëpinë e ish-zëvendësministrit njëherëit edhe ish-kryetarit të Malishevës, Isni Kilaj nga PDK.

Ndryshe ditë më parë hajnat kanë hyrë edhe në shtëpinë e deputetit të PDK-së, Mërgim Lushtaku në Graqanicë.