Portieri i Watfordit, Ben Foster, e ka krahasuar portierin spanjoll të Manchester Unitedit me fituesin e pesë herë Topit të Artë, argjentinasin Lionel Messi.
De Gea, i konsideruar si një nga portierët më të mirë në botë, pati një performancë të shkëlqyer të shtunën, në fitoren që United e arriti përballë Watfordit me rezultat 2 më 1 në Premier League.
Spanjolli bëri një pritje fantastike që ua mohoi golin ekipit vendas, ndërsa gardiani i portës së Watfordit, që deri në vitin 2010 ishte pjesë e “Djajve të Kuqë” krahasoi atë me yllin e Barcës, Messin.
“Ai është Messi i portierëve. Ai ka qenë portieri më i mirë në botë për vite, ai është absolutisht i shkëlqyeshëm tani. Disa nga pritjet që ai bën në kohë vërtet kritike janë vetëm të lë pa frymë”, ka thënë portieri i Watfordit pas ndeshjes.
Ylli i kombëtares spanjolle, ka treguar klasin e tij edhe njëherë gjatë fundjavës, duke pritur shumë goditje të lojtarëve të Watfordi.