Sport

Përfaqësuesja U-21 e Norvegjisë do të humbasë tre pikë nga fitorja 5 me 1 që e siguroi kundër Kosovës, pasi ka aktivizuar një lojtar që ishte i suspenduar, raporton Koha.net.

Mbrojtësi Kristoffer Ajer ishte i suspenduar për takimin me Kosovën shkaku i dy kartonëve të verdhë që kishte marrë në ndeshjet e mëparshme.

Suspendimin e tij e ka konfirmuar edhe Federata e Futbollit të Norvegjisë nëpërmjet një komunikate për media

Ajer kishte marrë dy kartonë të verdhë në ndeshjen e grupmoshave U-19 që e zhvilloi Norvegjia ndaj Spanjës më 27 mars. Suspendimi i tij vlen edhe për nivelet më lartë.

Dje De Biasi organizoi një konferencë për shtyp, ku dha lajmin se në fund të eliminatorëve do të largohet nga Kombëtarja e Shqipërisë.

Por, sot Kryetari i Federatës së Futbollit Armando Duka organizoi konferencën e radhës për të ditur të ardhmen e De Biasit i cili do të largohet nga kuqezinjtë që nga dita e sotme.

“Që nga dita e sotme nuk jam më pjesë e Kombëtares së Shqipërisë. Do të ndalem këtu sepse dëshiroj të mirën e ekipit”.

“Është një zgjedhje luftarake dhe shumë e vështirë, shpresoj që të gjithë ta pranoni këtë”.

‘Kemi jetuar në disa vite shumë me emocione dhe kemi arritur rezultate të mirë dhe befasuese për të gjithë. Gjatë gjithë kësaj kohe kam punuar me pasion këtu dhe më mund të madh”, ka thënë De Biasi.

Pas pesë vjetësh e gjysmë, aventura e Gianni De Biasit me Shqipërinë erdhi në fund. Në konferencën për shtyp të kësaj të marte, trajneri hoqi cdo dyshim mbi të ardhmen e tij duke e bërë të qartë vendimin e largimin e tij.

“Në fund të eliminatoreve nuk do të jem më në stolin e Shqipërisë dhe besoj se ka ardhur momenti që të largohem për të kërkuar sfida të reja. Jeta është cështje cikli, ka një fillim, ka dhe një fund dhe vjen një moment kur dikush duhet të zgjedhë rrugën e tij. Nuk është cështje financiare është thjesht cështje cikli. Unë për sa kohë do të jem këto do të jap 110 përqind dhe s’ma heq askush dëshirën për të punuar dhe për t’u përfshirë në cështjen shqiptare. Gjithsesi nuk e di nëse do të jem në ndeshjen e ardhshme”, shtoi ai.

Fitoren ndaj Izraelit De Biasi e cilësoi dhe si një fitore ndaj atyre që i kishin përgatitur funeralin.

“Fitorja me Izraelin ishte dicka shumë e bukur dhe lojtarëve ja bëra të ditur dhe pas ndeshjes që më në fund arritëm të largonim ato 3 centimetra pluhur nga mendja që na bllokonte dhe isha I lumtur sepse prej kohësh klima që ekzistonte para ndeshjes më la një shije të keqe. Unë ja kam thënë dhe lojtarëve, forca juaj është grupi. Nëse humbisni besimin dhe mbështetjen për njëri-tjetrin atëherë gjithcka e mirë që kemi bërë do të humbasë. Pas ndeshjes me Luksemburgun e kisha lakun dhe fyt dhe doja të largohesha, por vendosa të luftoj dhe në 5-6 ditë punova psikologjikisht me lojtarët, duke biseduar shumë me ta madje dhe duke u hakërryer. U përpoqa t’i motivoja të gjithë dhe të fusja në marsh këtë makinë që nuk donte të ecte”, theksoi italiani.

Gjithsesi De Biasi e bëri të qartë se nuk ka asnjë krizë me presidentin Duka, madje ai është ndër personat që vlerëson më tepër.

“Nuk ka asnjë krizë mes meje dhe presidentin. Pas ndeshjes me Izraelin disa nga ju më bënë varrimin, pasi kishim 5 humbje radhazi. Janë disa situata në jetë ku secili duhet të ndjejë besimin dhe konsideratën. Unë kam marrëdhënie shumë të mira me Dukën, edhe jashtë fushës është person shumë i mirë. Aspekti personal dhe human shkojnë bashkë, në aspektin human janë bërë disa gabime të pafalshme. Besoj që nëse Federata e donte Gianni De Biasin do të fliste me parë dhe jo tani, sepse nuk funksionon kështu. Kur humbasim jam unë fajtori, kur fitojmë fitojnë lojtarët, futbollistët e të tjerët. Gjërat nuk duhet të funksionojnë në këtë mënyrë”, u shpreh ai.

Gjithsesi në fund, De Biasi e cilësoi rrugëtimin e tij me Shqipërinë si më të bukurin e karrierës së tij.

“Përvoja më e bukur e jetës sime, sepse takova njerëz fantastik dhe krijova një ide të bukur mbi shqiptarët. Për fat të keq ka paragjykime për shqiptarët por zbulova dicka tjetër. Në aspektin e punës ishte dicka shumë e bukur sepse arritëm një rezultat të jashtëzakonshëm dhe pata një përvojë ndërkombëtare. Gjithashtu u ndjeva shumë krenar kur mora nënshtetësinë sepse u ndjeva pjesë e juaja. Pavarësisht këtij debati të fundit të pesë humbjeve radhazi, besoj se kemi bërë gjëra të mirë dhe mos harrojmë që kemi qenë deri në vendin e 22-të në Fifa dhe nuk besoj se kjo do të përsëritet shumë shpejt”, përfundoi tekniku italian.

LLapi nuk e ka ndërmend assesi që të ndalet në luftën për të fituar në tavolinë finalen e Kupës së Kosovës ndaj Besës.

Tifozët llapjan kanë vendosur që të protestojnë para Prokurorisë së shtetit dhe Federatës së Futbollit të Kosovës.

“Ultras Tifozat Llapjan “Legjendat” paralajmrojnë protesta para Prokurorisë së shtetit dhe FFK-së.

Duke parë video-skandalin e publikuar këto ditë të ndeshjes së Digitalb Kupës Trepça – Besa (2:2) dhe kthyesja Besa-Trepça (6:0) e që qartë shihen pamjet e kurdisjes së ndeshjes nga ana e klubit të Trepçës dhe Besës, ne si tifozë duamë që trofeu ti takoj Llapit.

Ne pretendojmë se kalimi i Besës në finale është i turpshëm dhe kjo duhet të shihet nga FFK-ja që ta marrë vendimin për ta eliminuar Besën nga këto gara dhe Llapit t’ia dorëzoj trofeun dhe të vazhdoj garat në Evropa Ligë.

Nëse nuk merret vendimi i duhur për këtë gjë, neve si tifozë nuk na mbetet gjë tjetër veçse të na pritni në protesta para zyrave tuaja duke kundërshtuar çdo vendim tjetër që ju merrni.

Ne si tifogrup ju japim hapësirë dhe mundësi deri të enjten, të dy institucioneve të involvuara Prokurorisë së shtetit dhe FFK-së, në këtë kurdisje të turpshme nga këta akter”, thuhet në njoftimin për shtyp.

cats

Foto ilustrim

Pas Ilir Avdylit, vjen edhe largimi i dytë nga Llapi. Mbrojtësi, Leutrim Kadriu nuk ka gjetur akordin për vazhdimin e bashkëpunimit me skuadrën e drejtuar nga Tahir Batatina.

“Kontrata me Llapin më ka përfunduar. Në bisedat që kam pasur me kryësinë nuk kemi gjetur akordin për ta vazhduar atë”, deklaroi Kadriu për Sheshin.

Kadriu luajti në pozitën e mbrojtësit të majtë dhe solli siguri të madhe për mbrojtjen llapjane.

kadriu

Pas largimit të pritur të Diego Costas nga Chelsea, pritet që klubi londinez të bëj disa transferime.

Mirror shkruan se bosi i Bluve, Antonio Conte, dëshiron që të shtojë lojtarët e talentuar në skuadër.

Italiani e sheh Romelu Lukakun si zëvëndësuesin perfekt të Costas dhe pritet që të konkretizojë ofertën prej 70 miionë eurosh.

Me të ardhmen e Nemanja Matic dhe Cesc Fabregasit në dyshim, Conte e sheh Tiemoue Bakayokon dhe Marco Verattin si pjesë të planeve.

Dyshja e Juventusit, Leonardo Bonucci dhe Alex Sandro po ashtu kërkohen për opsione defensive nga tekniku italian.

Real Sociedadi ka shprehur interesim për transferimin e Adnan Januzajt nga Manchester Unitedi.

Gazeta spanjolle Marca shkruan se klubi anglez ka kërkuar 10 milionë euro për shërbimet e tij, por Sociedadi dëshiron që të ulë këtë çmim për mesfushorin shqiptar.

Mediat angleze kanë raportuar se Jose Mourinho ia ka bërë të qartë Januzajt se nuk bën pjesë në planet për sezonin e ri.

Mediat izraelite kanë masakruar në komentet e tyre përfaqësuesen e Izraelit për humbjen e rëndë që pësoi në shtëpi me shifrat 3-0 përballë Shqipërisë.

“Kjo është një nga humbjet më turpëruese në historinë e ekipit kombëtar dhe publiku iu përgjigj me vërshëllima”, shkruan “Ynet”.

“Shqiptarët dukeshin më kërkues dhe më të përgatitur për këtë ndeshje.

Kjo ishte mungesë respekti ndaj ‘Sami Ofer’. Ekipi kombëtar ka prekur një nga pikët më të ulëta të historisë së tij”, transmeton PanoramaSport.

Ndërkohë, portali “One” i ka vënë thjesht titullin “Turpërim kombëtar” artikullit për ndeshjen, ku thekson se si Izraeli ishte një skuadër shumë e dobët në fushën e lojës.

Njëkohësisht, e cilëson suksesin shqiptar “një hakmarrje të shërbyer të ftohtë”, që i kushtoi vendin e tretë Izraelit.

Corentin Tolisso pritet të transferohet në Bayern Munichut gjatë kësaj vere

Sipas të përditshmes sportive franceze, L’Equipe, Bayern Munich ka siguruar shërbimet e mesfushorit të Lyonit, Corentin Tolisso.

L’Equipe shkruan se Bayern tahsmë ka arritur marrëveshje me lojtarin, derisa edhe bisedimet me Lyonin janë duke shkuar mirë, përcjell Llapi.info.

Tolisso, i cili mund të luaj edhe në krahun e djathtë të mbrojtjes, është pjesë e Lyonit që nga viti 2007.

Ai me ekipin e parë ka debutuar në vitin 2013, derisa deri më tani ka luajtur 116 ndeshje dhe ka shënuar 21 gola.

Optimizëm të madh kanë shfaqur lojtarët e përfaqësueses së Kosovës të premten pasdite, pasi përfunduan stërvitjen dhe para se të merrnin rrugë për në Shkodër. Përfaqësuesja e Kosovës në futboll është stërvitur për të dytën ditë rresht në fushën e butë të stadiumit “Riza Lushta” në Mitrovicë dhe njëjtë si të enjten pasdite pati përkrahjen e vazhdueshme të qindra shikuesve, shkruan sot Koha Ditore.

Te Kosova janë shprehur të gatshëm për ndeshjen ndaj Turqisë që e luajnë të dielën nga ora 20:45 në stadiumin “Loro Boriçi” në Shkodër. Të përzgjedhurit e Albert Bunjakit të shtunën (sot) e zhvillojnë stërvitjen e fundit, në stadiumin ku luhet ndeshja. Grumbullimi që nisi të hënën është përcjellë me disa telashe shëndetësore të lojtarëve.

Kështu Benjamin Kololli nuk është paraqitur fare për shkak të një lëndimi, ndërkohë është lënduar edhe ish-kapiteni Anel Rashkaj, i kthyer në përfaqësuese pas një kohe të gjatë.