Shendetesi

Shumica e njerëzve do të shajnë pas rrëzimit apo pas përplasjes mbi diçka – shkencëtarët mendojnë që kjo sjellje e pahijshme në mënyrë të efektshme e zbut dhembjen.

Hulumtuesit kanë vërejtur se sharjet janë sjellje të pazakonshme. Madje posaçërisht te njerëzit të cilët rëndom nuk kanë shprehi të shajnë, transmeton Telegrafi.

Hulumtuesit gjithashtu kanë bërë një eksperiment me studentët. Ata është dashur t’i zhysnin duart në kovat me ujë të ftohtë dhe të shanin.

Eksperimentin e kanë përsëritur, mirëpo këtë herë studentët kanë shqiptuar fjalë të zakonshme.

Rezultatet kanë treguar që studentët kanë mundur t’i mbajnë më gjatë duart të zhytura në ujë të ftohtë derisa kanë sharë, sesa kur kanë qenë duke shqiptuar fjalë të “rëndomta”.

Shkencëtarët konsiderojnë se në këtë mënyrë kanë dëshmuar që sharja shton tolerancën e dhembjes.

Këtë veprim ekspertët e sqarojnë me atë që sharja është formë e agresivitetit, posaçërisht nëse nuk është pjesë e fjalorit të përditshëm, andaj nxiten instinktet e përshtatshme për situata të rrezikshme, për ç’arsye shtohet toleranca e dhembjes.

Fëmijët rriten dhe zhvillohen, preferojnë të luajnë, të bisedojnë, të vështrojnë dhe të jenë me të tjerët. Fëmijët ndërtojnë marrëdhëniet, komunikojnë, shprehin dashuri dhe ndjenja, luajnë së bashku, mësojnë dhe i plotësojnë nevojat e tyre përmes kontaktit me të tjerët. Shkolla finlandeze inkurajon shprehjen e fëmijëve duke qenë interaktivë, ndërsa mësimin e bazon më shumë në punën grupore. Shumica e aktiviteteve mësimore bazohen në punën e cila zhvillohet brenda kampusit shkollorë.

Shumica e aktiviteteve ne shkollën finlandeze zhvillohen jashtë klasave të zakonshme. Ambientet e të mësuarit në natyrë stimulojnë shumëllojshmërinë e përvojës së fëmijëve në lojë dhe kontribuojnë në zhvillimin e shëndetshëm të tyre.
Shkolla finlandeze inkorporon aktivitetet në ambient të hapur, si pjesë e procesit mësimor. Aktivitetet në ambient të hapur dhe mësimi në natyrë kanë shumë efekte pozitive për fëmijët – përfshirë këtu edhe reduktimin e librave që ata duhet t’i bartin.
Shkolla finlandeze kurrikulën e saj e bazon në sistemin arsimor finlandez, i cili fokusohet në kreativitet, zgjidhje të problemeve, mësim nga përvoja dhe mësim duke luajtur. Ky sistem do t’ju mundësojë nxënësve të programojnë dhe të mësojnë robotikën që nga mosha tre vjeçare. Teknologjia është gurthemel i sistemit të shkollës finlandeze, duke ju mundësuar nxënësve aftësimin dhe mësimnxënien përmes lojërave dhe teknologjisë.

Prandaj, bartja e librave dhe fletoreve që në vendet tjera është praktikë, në sistemin finlandez pothuajse është reduktuar plotësisht.

Shumica e njerëzve befasohen kur dëgjojnë nga persona tjerë se nuk e pëlqejnë çokollatën. Nuk është e vështirë për t’u parë se përse kanë ata këtë reagim – çokollatat janë me të vërtetë të shijshme.

Çokollata me të vërtetë është magjike.

Por, veç kësaj, fatmirësisht është edhe e mirë për ju dhe kjo në disa mënyra të ndryshme. Ndër zbulimet më të fundit për të mirat e çokollatës është aftësia e çokollatës për t’ju bërë më të mençur, transmeton Telegrafi.

Si ju bën çokollata më të mençur?

Gjatë një studimi të një periudhe 40 vjeçare, hulumtuesit kanë zbuluar se personat që hanë çokollatë të paktën një herë në javë kanë funksion të ngritur të trurit. Sipas udhëheqëses të këtij hulumtimi, georgina chricton, konsumimi i rregullt i çokollatës bën që personat të jenë më të mirë duke filluar nga mbajtja në mend e numrave të celularit e deri tek kryerja e disa punëve njëkohësisht.

Çfarë përbërësi i çokollatës është përgjegjës për këtë efekt të mahnitshëm? Siç duket, kakao!

Këta janë përbërës antioksidantë që e përmirësojnë funksionin e enëve të gjakut në tru. Bashkimi Evropian së fundmi ka konfirmuar se flavanolet e kakaos e mirëmbajnë elasticitetin e enëve të gjakut, duke lejuar qarkullim të duhur të gjakut.

Qarkullimi i mirë i gjakut, normalisht, është krucial për funksionin e të gjitha pjesëve të trupit – e veçanërisht të trurit.

Pjesa më e mirë rreth kësaj? Nuk keni nevojë për shumë flavanole që t’i gëzoni këto efekte; mjafton konsumimi i një të pestës të një çokollate të madhësisë së rregullt për t’i gëzuar efektet e mahnitshme.

Çfarë mendoni se do t’ju motivonte më së shumti për të vrapuar 10 minuta? Nëse ju ndjekë diçka e frikshme? Nga vetmia? Një gotë me ujë? Apo premtimi i një pice të madhe pasi ta keni përfunduar vrapimin?

Nëse po ndjeheni paksa të motivuar nga opsioni i fundit, atëherë mos u stresoni – nuk jeni të vetmit, transmeton Telegrafi.

Në fakt, shumica e njerëzve janë më të motivuar nga uria sesa nga frika, etja apo vetmia, sipas studimit të fundit.

Hulumtimi i kryer nga National Institutes of Health dhe i publikuar në Neuron ka kryer një sërë eksperimentesh për të zbuluar se çfarë na motivon më së shumti: uria, etja apo frika.

Eksperimentet, pavarësisht se janë kryer me minj, kanë dëshmuar se uria është motivuesi më i fuqishëm nga të gjithë. Motivues më i fuqishëm sesa frika, etja apo vetmia.

Prandaj, nëse jeni duke u përpjekur ta motivoni veten për të bërë diçka, ndoshta ia vlen t’i premtoni vetes një hamburger gjigant.

Duke ju rikujtuar që besimtarët myslimanë sivjet do të agjërojnë deri 18 orë në ditë, është e nevojshme që të konsumojnë ushqimin i cili tretet ngadalë, duke përfshirë edhe ushqimin i cili përmban pejza ushqyese.
Të shmanget ushqimi kalorik

Gjatë muajit të agjërimit rekomandohet ushqimi i pasur me vitamina, minerale dhe oligo-elemente. Të konsumoni sallatat e sezonit, pemët dhe perimet. Të shmanget ushqimi kalorik, me rastin e iftarit të shmangen pijet e gazuara, madje edhe pijet e ftohta. Konsumoni ujë të vakët dhe lëngje, bëni iftar me hurma.

Ushqimi i yndyrshëm nuk i plotëson nevojat ditore të njeriut gjatë ditës dhe tajitet nëpërmjet lëkurës. Në artikuj ushqimorë të cilat organizmi i tret ngadalë bëjnë pjesë, veç tjerash, bizelja, elbi, gruri, fasulja, orizi… Artikujt që treten lehtë, janë ato të cilat përmbajnë sheqer dhe miell të bardhë.

Pejëzat të cilat në të shumtën e ushqejnë organizmin gjatë ditës janë ato nga pemët me lëvore, pastaj pemët e thara, ndër të cilat janë kajsia, fiku apo kumbullat.

Kur është fjala për pijet, nuk rekomandohet konsumimi i pijeve të gazuara të cilat kanë ndikim të keq në organizim, andaj shkaktojnë pengesa në lukth dhe në zorrë. Kështu që më mirë është që, nëse ekzistojnë mundësitë, të konsumohen uji i ngrohtë, lëngjet natyrale në temperaturë dhome të ngrohur në mënyrë që organizmi të jetë i mbrojtur.

Duke theksuar se si pacientët në të shumtën e rasteve për shkak të vështirësive të ndryshme edhe gjatë muajit të agjërimit paraqiten në Mjekësinë e urgjencës, më së shpeshti fjala është për teprim në ngrënie.

Të ruheni nga shtypja e lartë e gjakut

Vështirësitë kryesisht janë të karakterit gastrologjik dhe shfaqen një ose dy orë pas iftarit, për shkak të ngrënies së tepruar dhe konsumimit të sasisë së madhe të ushqimit. Këto janë dhembjet në stomak, vjellja.

Pacientit të cilët kanë shtypje të lartë të gjakut, ndërkaq nuk i pinë rregullisht barnat, mund të përballën me shtypjen e lartë të gjakut.

Agjëruesit të cilët çdo ditë marrin terapi të rregullt të barnave gjithashtu mund të harmonizojnë marrjen e aparateve mjekësore me agjërim të tërëditshëm.

Marrja e terapisë së rregullit e barnave dhe agjërimi është i mundshëm ashtu që barnat t’i merrni në syfyr dhe në iftar. Nëse pacienti patjetër duhet të marrë barna, atëherë nuk i rekomandohet agjërimi.

Duke pasur parasysh arritjen e ditëve të nxehta, personave të moshuar u rekomandohet që të mos dalin nga shtëpia dhe obligimet e veta t’i kryejnë në mëngjes deri në orën 10:00. Nëse patjetër duhet të dalin, duhet të kenë të veshur rroba të lehta dhe të mbulojnë kokën”, rekomandojnë mjekët.

Policia e Kosovës në bashkëpunim me Doganat e Kosovës dhe Inspektoratin Shëndetësor, referuar urdhëresës së gjykatës kompetente, kanë realizuar një operacion policor të bastisjeve në tri regjione të ndryshme të Kosovës për kontrabandë barnash.

Operacioni është shtrirë në regjionin e Prishtinës, Ferizajt dhe të Gjilanit, duke përfshirë tetëmbëdhjetë (18) lokacione të ndryshme. Si rezultat i operacionit policor, në cilësinë e personave të dyshuar janë arrestuar pesë persona; A.M. (m) E.R. (m), S.I. (f), D.A. (m) dhe A.A. (m), thuhet në njoftimin e Policisë së Kosovës.

Këta persona dyshohet se në mënyrë të organizuar dhe bashkëpunim kanë kontrabanduar barna të ndryshme duke dëmtuar buxhetin e Kosovës, duke rrezikuar shëndetin e qytetarëve dhe duke konsumuar kështu veprat penale: “Kontrabandim me mallra”, “Shmangia nga pagesa e tarifave të detyrueshme doganore” , si dhe ”Ushtrim i kundërligjshëm i veprimtarisë mjekësore dhe farmaceutike.

Gjatë bastisjeve janë gjetur dhe konfiskuar sasi e konsiderueshme e barnave të pa kontrolluara dhe të pa verifikuara me prejardhje kryesisht nga Serbia, të cilat dyshohet se janë të kontrabanduara në mënyrë ilegale për në Republikën e Kosovës.

Dy nga te arrestuarit janë punonjës të shëndetësisë, dhe të njëjtit dyshohen se kanë konsumuar vepren penale “Shpërdorim i detyrës zyrtare”.

 

Image

Studimet e fundit sugjerojnë se Hëna mund të ndikojë në disponim, në peshën trupore dhe në gjumë.

Shkencëtarët nga Suedia kanë zbuluar se ndryshimet e Hënës mund të shkaktojnë ndryshime në cilësinë e gjumit. Ndonjëherë Hëna do të shkaktojë që gjumi juaj të mos jetë i thellë si zakonisht dhe të flini më pak.

Shkencëtarët kanë zbuluar se, gjatë hënës së plotë, një numër i madh i njerëzve gjatë gjumit bëhen më të ndjeshëm ndaj tingujve dhe flenë rreth 25 minuta më pak. Gjatë hënës së plotë, faza REM (Rapid Eye Movement – Lëvizja Rapide e Syve) e gjumit mund të zgjatet për madje 30 minuta.

Gjatë hulumtimit, shkencëtarët kanë vënë re ndryshime në gjumë tek pjesëmarrësit të cilët duhej ta plotësonin një pyetësor me pyetje për shprehitë e përgjithshme të jetesës dhe shëndetit.

Studimet e mëparshme kanë treguar se ndryshimet e Hënës mund të shkaktojnë ndryshime hormonale tek njerëzit.

Rezultatet e anketës treguan se shumicës së pjesëmarrësve gjatë Hënës së plotë u duhen mesatarisht 5 minuta më shumë për t’i zënë gjumi.

Në trupat e pjesëmarrësve kishte rënë niveli i melatoninës, një hormon ky që ndikon direkt në gjumë.

Megjithatë, rezultatet e hulumtimit nuk janë të mbështetur me dëshmi të mjaftueshme për t’u konsideruar të besueshme.

Shkencëtarët sugjerojnë që gjithmonë ta ruani ritmin normal të gjumit i cili do të mundësojë që trupi juaj të jetë më pak i ndjeshëm ndaj ndryshimeve të Hënës.

Siç thonin edhe grekët e lashtë, “nëse dëshiron të jesh i/e fortë – vrapo. Nëse dëshiron të jesh i/e bukur – vrapo. Nëse dëshiron të jesh i/e mençur – vrapo”. Siç duket, ata e kishin me të drejtë këtë thënie.

Normalisht vetëm vrapimi nuk do t’ju ndihmojë t’i lini pas të gjitha problemet tuaja dhe duhet të konsultoheni me doktorin tuaj para se të filloni përgatitjet për maratonë, transmeton Telegrafi.

Megjithatë, nëse vrapimi bëhet pjesë e rutinës tuaj ditore, atëherë ju padyshim se do t’i vëreni ndryshimet pozitive. Vrapimi është mënyrë e mirë dhe krejtësisht e lirë për të qenë në formë.

Ka shumë arsye të mira se përse duhet të filloni të vraponi, ndërsa sot do t’ju njoftojmë me nëntë arsye të cilat do t’ju bindin të vraponi që sot:

Vrapimi e forcon zemrën, e rritë numrin e kapilarëve në trupin tuaj e gjithashtu edhe numrin e qelizave të kuqe të gjakut. Pra, zemra si muskul bëhet më e fortë.

– Kapaciteti i muskujve për të përdorur oksigjenin kur u ofrohet gjithashtu rritet. Një zemër e ushtruar mirë pompon shumë më shumë gjak sesa një zemër e pa ushtruar. Dhe kur të rritet qarkullimi i gjakut, edhe konsumimi i oksigjenit është proces më i lehtë. Pra, të gjitha indet dhe organet në trupin tuaj marrin më shumë gjak, si dhe pasurohen me oksigjen dhe vlera ushqyese.

– Vrapimi është mënyrë e mirë për lirimin e stresit. Trupi juaj akumulon shumë mbeturina nga i gjithë tensioni nervor dhe lodhja gjatë ditës. Për t’i hequr qafe ato, ju duhet të djersiteni mirë, ndërsa për këtë punë vrapimi është detyra më e mirë!

– Kur vraponi, trupi juaj liron disa hormone të quajtura endorfine. Këto hormone ndryshe njihen edhe si “hormonet e lumturisë”. Dhe kjo për një arsye të mirë: kur rritet numri i endorfineve në gjakun tuaj, ju përjetoni ndjenja të lehta të euforisë dhe depresioni zhduket!

– Me vrapim përmirësohet edhe aktiviteti mendor. Përderisa jeni të zënë duke vrapuar, truri juaj shpeshherë gjen zgjidhje kreative për probleme të caktuara, e krejt kjo falë oksigjenit i cili ndihmon trurin tuaj të funksionojë më mirë.

– Vrapimi i rregullt jua përmirëson sistemin e imunitetit duke e ngritur nivelin e qelizave të kuqe të gjakut dhe hemoglobinën në gjakun tuaj. Në të njëjtën kohë e zvogëlon nivelin e kolesterinës, e zvogëlon urinë dhe e përmirëson organizmin. Duke e kombinuar vrapimin me një përmirësim të metabolizmit, kjo do të shpie në normalizimin e peshës tuaj të trupit.

– Se në cilën kohë të ditës vraponi nuk ka rëndësi. Në mëngjes, kur nivelet e hormoneve janë më të larta se zakonisht, vrapimi do të veprojë si lirues dhe do të ndihmojë ta riktheni trupin në gjendje normale. Në anën tjetër, vrapimi pas një dite të gjatë me punë do t’ju ndihmojë të relaksoheni, të karikoheni, t’i zvogëloni ndjenjat e urisë dhe të flini si një qengj!

– Studime të shumta tregojnë se vrapimi ndihmon në rigjenerimin e pjesshëm të qelizave të mëlçisë. Jo keq, apo?

– Vrapimi i rregullt sjellë efekte pozitive edhe në sistemin tuaj muskoloskeletal. Kjo është e mirë veçanërisht për të moshuarit pasi që parandalon sëmundjet e ndryshme të nyejve.

Komuna e Prishtinës ka njoftuar se ka hapur dy laboratorë të rinj në dy lagje të kryeqytetit.

Kjo, sipas Komunës, ka ardhur pas kërkesës nga qytetarët dhe nevojës që shërbimet laboratorike të jenë prezente në çdo lagje të Prishtinës.

Hapja e tyre është mundësuar nga Drejtoria e Shëndetësisë dhe Mirëqenies Sociale dhe Qendra Kryesore e Mjekësisë Familjare.

“Nga sot, qytetarët e Lagjes Velania dhe Lagjes së Muhagjerëve, do të kenë mundësi që analizat laboratorike t’i kryejnë në Qendrat e Mjekësisë Familjare pranë këtyre lagjeve. Kjo plotëson një vakum për qytetarët e këtyre lagjeve të cilët është dashur t’i marrin këto shërbime në lagje të tjera”, thuhet në njoftimin e Komunës së Prishtinës.

Komuna e Prishtinës thotë se mbetet e përkushtuar në zgjerimin dhe në ofrimin sa më korrekt të shërbimeve shëndetësore për qytetarët dhe në uljen e kohës së pritjes për këto shërbime.

Është konsideruar si armiku më i madh i dietës, ndërsa kërkohet zëvendësimi i shujtës me ushqime tjera.

Por, tani njohësit e ushqimin, pataten po e konsiderojnë si shkaktarin e diabetin e tipit të dytë.

Hulumtimi zbulon se ngrënia e shtatë apo më shumë pjatave me patate, për një javë, nxitë diabetin për 33 për qind.

Madje, vetëm katër shujta me patate në javë, e nxisin diabetin për shtatë për qind.

Jo çuditërisht, patatet e fërguara apo siç njihen tek ne pomfrit, janë shumë më të këqija se patatet e ziera, pjekura apo të shtypura.

Zëvendësimi i shujtës së patates me ushqime tjera – perime, grurë apo oriz – mund të zvogëlojë mundësinë e diabetit 2, për 12 për qind.

Healthday, kërkon që patatja të mos konsiderohet pjesë e shujtave, përpos në raste të caktuara, kur mund të shtohen vetëm disa pjesë të saj, transmeton Telegrafi.