Të rinjtë e Qendrës Rinore Blue sot kanë vendosur dy tabela për njoftime ku nga tani qytetaërt mund t’i vendosin njoftimet, shkruan Llapi.info.

Para vendosjes së tyre, janë pastruar pemët e qytetit nga të cilat janë larguar njoftimet e vjetërsuara.

Qëllim i këtij projekti është që të sigurohet një ambient më i mirë për qytetarët e Podujevës dhe të ketë një organizim për vendosjen e njoftimeve.

Kryetari i “Qendrës Rinore Blue”, Gëzim Haliti tha se përmes këtij projekti synohet vetëdijesimi i qytetarëve që të mos prishet ambienti dhe të ketë një vend të caktuar për vendosjen e njoftimeve.

“Qendra Rinore Blue përmes këtij projekti të financuar nga Komuna e Podujevës sot ka vendosur dy tabela për njoftime, njëra në qendër të Podujevës dhe në pjesën e Lumit Llap, ku qytetarët tani do të kenë mundësi ti vendosin njoftimet për Podujevë. Nga tani qytetarët e Podujevës t’i vendosin njoftimet në këto tabela dhe jo në pemë. Qëllimi i realizimit të këtij projekti ka qenë që të vetëdijesohen qytetarët që të mos e prishin ambientin dhe njoftimet në Podujevë të vendosen në këto tabela pasi që e dijmë se vendosja e këtyre njoftimeve deri tani është bërë në mënyrë jo të mirë”., tha ai.

Në finalizimin e projektit të financuar nga komuna e Podujevës mori pjesë edhe i pari i Podujevës Agim Veliu i cili i inkurajoi të rinjët për të punuar për të mirën e qytetit.

Ndërsa, gjatë pastrimit të pemëve gjithashtu janë larguar edhe disa posterë të disa partive politike të cilat në zgjedhjet qendrore i kanë vendosur dhe nuk i kanë larguar pas përfundimit të tyre

Në vazhdën e realizimit të projekteve të mbetura për këtë mandat qeverisës, Komuna e Podujevës sot ka përuruar edhe një projekt tjetër e që është projekti i tretë radhazi për 3 ditë, njofton Llapi.info.

Rruga e cila lidhë Lagjen e Bajgorëve në fshatin Dobratin me rrugën magjistrale Kërpimeh- Bajgorë, është përuruar sot nga i pari i Podujevës, Agim Veliu.

Veliu këtë e ka bërë të ditur përmes llogarisë së tij Facebook ku ka shkruar se rruga e shtruar ditë më parë është përuruar sot së bashku me banorët e Lagjes së Bajgorëve të fshatit Dobratin./Llapi.info

Kryetarja e Shoqatës së Filozofëve të Kosovës, Hasnije Ilazi dhe nënkryetari, Ridvan Emini janë certifikuar si “Qytetarë të Botës të shekullit XXI”.

Certifikimi është bërë nga “Socratic Philosophical School”, pjesë e Federatës Botërore të Filozofisë.

Ndarja e certifikatave do të jetë në tetor 2017 në Athinë.

Kosova është ranguar në vendin e 16.

Listës së “Qytetarëve të Botës të shekullit XXI” i prin ish Sekretari i Përgjithshëm i OKB-së, Ban ki-Moon, pasohet nga Irina Bokova nga UNESCO, dhe deri tani përfshin fiks 204 personalitete nga 37 vende të botës. Duhet përmendur se në këtë listë janë edhe ish-presidenti i SHBA-së, Barack Obama, e shkencëtari me nam Stephen Hawking.

Komuna e Podujevës njihej si një ndër komunat me më së shumti përfaqësues në Kuvendin e Kosovës. Mirëpo, kjo gjë tashmë duket se ka ndryshuar – nga 7 deputetë që kishte në legjislaturën e kaluar, tashmë pritet ti ketë vetëm dy sosh, madje të dy këta deputetët për herë të parë do të jenë në ulësen e Parlamentit

Ndërsa, ish-deputeti nga kjo parti e që në këto zgjedhje u la jashtë garës, Shpejtim Bulliqi, fajtorë për këtë gjë e bën kryetarin Mustafa dhe kryetarin e degës në Podujevë Agim Veliu.

Se kush hyri në Kuvend nga Podujeva dhe kush humbi garën ndiqeni kronikën:

Me rastin e muajit të shenjtë të Ramazanit dhe në prag të festës së Fitër Bajramit, janë ndihmuar me pako ushqimore 817 familje me gjendje të rëndë sociale në Komunën e Podujevës, njfton Komuna e Podujevës transmeton Llapi.info.

Pakot ushqimore, të grumbulluara dhe të dhuruara nga donatorë të ndryshëm, janë shpërndarë në bashkëpunim me Drejtorinë për Shëndetësi dhe Mirëqenie Sociale (DSHMS) të Komunës së Podujevës, e cila ka siguruar listën e familjeve në asistencë sociale dhe atyre në nevojë.

Vlera e përgjithshme e pakove ushqimore të shpërndara për 817 familje është 19,825 euro, kurse donatorët kryesorë janë: Enver Abazi “Festimi Tours” 100 pako, Yokan Shiriner 25 pako, Besim Veliu 25 pako, Restorant “Ora” 30 pako, “Eko Trade” 30 pako, “Katar Charity” 354 pako, “Islamic Relief Kosova” 240 dhe 13 pako nga donatorë të tjerë.

Kryetari i Komunës së Podujevës, Agim Veliu, ka falënderuar donatorët për ndihmën e ofruar për familjet në nevojë, duke kontribuuar që edhe ato ta kenë tryezën plot në këto ditë të muajit Ramazan dhe në festën e Fitër Bajramit./Llapi.info

Kur kanë mbetur edhe më pak se 4 muaj zgjedhjet lokale, Komuna e Podujevës tashmë ka filluar realizimin e disa projekteve të këtij mandati qeverisës.

Kryetari i Komunës së Podujevës, Agim Veliu, sot ka vizituar fshatin Lupç i Poshtëm, ku ka përcjellë punimet që janë duke u realizuar në zgjerimin dhe rregullimin e shtratit të lumit Llap.

Në fshatin Lupç i Poshtëm të Podujevës është duke u realizuat projekti i zgjerimit dhe rregullimit të shtratit të Lumit Llap, njofton kumtesa komunale.

Për të përcjell nga afër punimet në realizimin e këtij projekti, kryetari i Komunës së Podujevës, Agim Veliu dhe drejtori i Drejtorisë së Shërbimeve Publike, Faik Muçiqi, vizituan sot segmentin e lumit Llap në Lupç, ku është duke u kryer zgjerimi dhe rregullimi.

Me këtë rast Veliu tha se realizimi i këtij projekti bëhet në kuadër të investimeve kapitale në zgjerimin dhe rregullimin e shtretërve të lumenjve.

“Krahas investimeve në ndërtimin e infrastrukturës, një nga prioritetet tona në investimet kapitale në sektorin e shërbimeve publike është edhe zgjerimi dhe rregullimi i shtretërve të lumenjve. Vetëm gjatë vitit të kaluar kemi zgjeruar dhe rregulluar rreth 20 km shtretër të lumenjve. Kjo ka ndikuar në eliminimin në masë të madhe të vërshimeve të zonave përgjatë rrjedhës së lumenjve”, tha kryetari Veliu,

Kryetari Veliu i falënderoi banorët e këtij fshati për bashkëpunimin që po tregojnë gjatë realizimit të këtij projekti..

Projekti për zgjerimin dhe rregullimin e shtratit të Lumit Llap në Lupç i Poshtëm përfshinë një gjatësi prej 3.7km. Atje tashmë është kryer pothuajse në tërësi faza e zgjerimit dhe ka mbetur të kryhet edhe rregullimi dhe vendosja e mureve mbrojtëse në disa zona të shtratit të lumit.

Në kuadër të projekteve të miratuara për këtë vit, Drejtoria e Shërbimeve Publike në Komunën e Podujevës ka planifikuar të vazhdojë me zgjerimin dhe rregullimin e shtretërve të lumenjve edhe në disa fshatra.

Këshilli i Bashkësisë Islame në Podujevë ka ndarë shumën prej 300 euro për të ndihmuar në shërimin e Fitore Ibishit, vajzës 24 vjeçare e cila vuan nga një sëmundje rëndë.

Këshilli ditë më parë ka bërë thirrje qytetarëve të komunës dhe më gjerë që të ndihmojnë Fitoren e cila ditë muaj më parë është diagnostifikuaar me një sëmundje të vështirë, thuhet në një komunikatë të KBI- së në Podujevë, transmeton Llapi.info.

Kurse imami i Shajkocit Osman Kurtolli ndau shumën 150 euro Muhamedi a. s ka thënë, se: ‘Asnjë sadaka nuk e zvogëlon pasurinë… Andaj të jemi solidarë njëri me tjetrin, jo vetëm gjatë këtij muaji por në vazhdimësi, sepse Zoti do jetë i kënaqur me ne.

Vetëm mbrëmë pas iftarit janë mbledhur rreth 15 mijë euro për Fitore Ibishin nga Podujeva.

Të hënën ose të marten Ibishi do të niset për diagnostifikim për në Gjermani.

Vajza 24 vjeçare me të cilën tani komunikohet vetëm duke i shkruar në letër, ka filluar nga tetori i vitit të kaluar të ketë simptoma të një sëmundje shumë të rrallë edhe në botë.

Në klinikën e Neurologjisë në QKUK, ajo është hospitalizuar një muaj më vonë, transmeton Klan Kosova.

Sipas etapave të zhvillimit të sëmundjes, mjekët dyshojnë se Fitorja vuan nga sindroma Susak, sëmundje kjo e re edhe në literaturën shkencore, e përshkruar për herë të parë në vitin 1990.

Klan Kosova dy ditë më parë ka përgatitur një storje për Fitore Ibishin, e cila është shikuar qindra mijëra herë dhe si shkak i kësaj kanë ardhur ndihma nga të gjitha anët për vajzën me sëmundjen e rrallë.

Më poshtë i gjeni të dhënat ku mund të ndani mjete për të ndihmuar shërimin e Fitore Ibishit.

Nr. I xhirollogarisë:

Raiffeisen Bank

XK051501040002728249

Pronare e llogarisë: Elfije Ibishi(motra e Fitores)

Swift code: RBKOXKPR

Numri kontaktues: +37744741847

Kryetari i Komunës së Podujevës, Agim Veliu, ka inspektuar sot punimet në ndërtimin e trotuarit me kubëza në segmentin rrugor të magjistrales Podujevë – Shtedim dhe në fshatin Shajkoc, thuhet në komunikatën komunale, transmeton Llapi.info.

Në kuadër të realizimit të projekteve të infrastrukturës në Komunën e Podujevës, aktualisht janë duke u realizuar dy projekte të ndërtimit të trotuareve me kubëza dhe janë finalizuar disa të tjera.

Për të përcjellë nga afër punimet, kryetari i Komunës së Podujevës, Agim Veliu, dhe drejtori i Drejtorisë së Shërbimeve Publike, Faik Muçiqi, vizituan segmentin rrugor në magjistralen Podujevë-Shtedim, dhe në fshatin Shajkoc, ku janë duke u ndërtuar trotuaret.

Me këtë rast Veliu tha se krahas ndërtimit të infrastrukturës rrugore, një nga prioritetet e Ekzekutivit vazhdon të jetë edhe ndërtimi i trotuareve.

“Në gjashtëmujorin e parë të këtij viti kemi ndërtuar 13 kilometra trotuare me kubëza, në disa segmente rrugore në lokalitete të ndryshme. Me ndërtimin e trotuarve po krijojmë kushte për lëvizje më të lehtë dhe më të sigurt për qytetarët dhe veçmas për nxënësit”, Veliu.

Përveç trotuareve në segmentin rrugor të magjistrales Podujevë – Shtedim dhe fshatin Shajkoc, ku aktualisht janë duke u zhvilluar punimet, ditë më parë ka përfunduar ndërtimi i trotuarit në fshatrat Batllavë dhe Llugë./Llapi.info