Podujevë

Foto ilustrim

Viti i ri shkollorë ka filluar që nga dita e hënë e kësaj jave, mirëpo në komunën e Podujevës shkollat akoma nuk janë pajisur me ditarë, njofton Llapi.info.

Kjo mungesë e ditarëve sipas Drejtorit të Drejtorisë për Arsim në Komunën e Podujevës, Avni Malokut, është për arsye të skadimit të kontratës të operatorit që i ka pajisur shkollat me ditarë.

“Operatorit që i ka sjell ditarët i ka skadu kontrata, nuk po e di tash saktë se kur i ka skadu mirëpo  kjo është arsyeja se pse shkollat në Podujevë për momentin nuk kanë ditarë”- tha Maloku për Llapi.info.

Mirëpo, sipas Malokut ky problem do të zgjidhet së shpejti pasi që është zgjedhur operatori i ri i cili do të bëjë furnizimin me ditarë.

“ Nuk është ndonjë problem i madh sepse është zgjedh operatori i ri për furnizimin me ditarë dhe kjo do të bëhet së shpejti. Deri të martën besoj se të gjithë shkollat do të pajisen me ditarë” shtoi ndër të tjera Maloku.

Ndërsa, edhe pse pa ditarë, shkollat po zhvillojnë procesin mësimorë  dhe nxënësve u janë shpërndarë një pjesë e librave. Nxënësit janë pajisur me libra të botuesit “Dukagjini” ndërsa sipas Malokut, shkollat janë në pritje të furnizohen edhe me librat e shtëpisë botuese “Libri shkollorë”./Llapi.info

Xhamia e Vjetër në Podujevë në bashkëpunim me Qendrën Kombëtare të Kosovës për Transfuzion të Gjakut kanë organizuar sot një aktivitet për dhurimin e gjakut. Dhurimi i gjakut do të bëhet duke filluar nga ora 11:30 deri në orën 16:00, transmeton Llapi.info.

Këtë e ka bërë të ditur Imami i kësaj xhamie, Imri Llugaliu, përmes një postimi në profilin e tij në rrjetin social Facebook, ku i ka ftuar të dhurojnë gjak të gjithë ata që gëzojnë shëndet të mirë.

“Ejani në këto 10 ditët më të mira të vitit pra në ditët e sakrificës që ta sakrifikojmë gjakun tonë për të sëmurët dhe të aksidentuarit e vendit tonë…” ka shkuar ndër të tjera Llugaliu.

Sipas Llugaliut ky është organizimi i tretë me radhë i Xhamisë së Vjetër në Podujevë për të dhuruar gjak./Llapi.info
ftese

Nesër do të mbahet “Konferenca Informuese për Zhvillimin e Sektorit Privat”  duke filluar nga ora 9:30 në Restaurant “ORA” në Magjistralen Podujevë-Merdarë, transmeton Llapi.info.

Këtë e ka bërë të ditur Komuna  e Podujevës përmes një postimi në faqen zyrtare në rrjetin social Facebook.

Po ju sjellim të plotë njoftimin e Komunës së Podujevës:

 

“NJOFTIM

Ministria e Tregtisë dhe Industrisë, përkatësisht Agjencia për Investime dhe Përkrahje të Ndërmarrjeve në Kosovë (KIESA), në bashkëpunim me komunën e Podujevës në kuadër të aktiviteteve “Ditët e Biznesit të Vogël 2016” organizon “Konferencë Informuese për Zhvillimin e Sektorit Privat” në Podujevë ku do të paraqiten dhe diskutohen sfidat e sektorit privat si dhe shërbimet dhe programet zhvillimore që ofrohen nga Qeveria në nivel kombëtar dhe lokal.

Konferenca mbahet të premten më datë 09.09.2016 duke filluar nga ora 9:30 në Restaurant “ORA” Magjistralja Podujevë – Merdarë, kilometri i 5-të.”

Në ambientin e teatrit “Avdush Hasani” në Podujevë, nesër do të bëhet promovimi i librit “Gjurmë të pashlyeshme…” i autores Basrie Murati- Sakiri nga Podujeva, raporton Llapi.info.

“Gjurmë të pashlyeshme…” është libri i parë i Basries. Ajo përmes këtij libri sjell rrugëtimin e saj në kohë, nga 2016 në vitet 1988/ 89 si dhe përjetime personale gjatë periudhës së luftës në Kosovë sa ajo ishte nxënëse në Gjimnazin “Aleksandër Xhuvani” në Podujevë.

Basrie Murati përveç që shkruan, është pjesërisht aktive edhe në spitalin universitar, “Insel Spital” në Bern, ku edhe tashmë është duke jetuar. Ajo ushtron detyrën e asistentes mjekësore në Kirurgjinë ortopedike.

Në këtë eveniment i cili do të filloj nga pra 18:00, ligjëruese do të jetë autorja e librit./Llapi.info

Foto ilustruese

Policia e Kosovës kanë arrestuar në pasditen e ditës së djeshme një shtetas kosovar i cili ishte në kërkim tashmë e disa kohë, njofton Llapi.info.

Arrestimi i personit të kërkuar është bërë në bazë të urdhëresës së lëshuar nga Gjykata Themelore në Prishtinë dje rreth orës 14:10 minuta në rrugën “Lordi Bajron” në Podujevë, thuhet në raportin policorë.

Për vuajtje të dënimit i arrestuari është dërguar në burgun e Lipjanit./Llapi.info

Llapi kthehet me tri pikë të plota në Podujevë. Bardh e kaltrit shënuan fitore minimale kundër Dritës së Gjilanit.

Në kuadër të xhiros së tretë të Vala Superligës së Kosovës, Llapi fitoi me rezultat minimal 0 me 1, raporton Llapi.info

Në pjesën e parë dy skuadrat luajtën pa gola dhe kështu 45 minutëshi i parë përfundoi 0 me 0.

Mirëpo në pjesën e dytë gjërat ndryshuan. Në minutën e 69 Berat Hyseni shënoi për 1 me 0 për Llapin, ku edhe i siguroi 3 pikë të reja skuadrës nga Podujeva.

Deri më tani Llapi ka grumbulluar 6 pikë në tri takime në Superligën e Kosovës./Llapi.info

Llapi 0-1

foto ilustruese

Një person i dyshuar është arrestuar dje në Podujevë pasi që ka sulmuar fizikisht bashkëshorten e tij, transmeton Llapi.info.

 

Këtë e ka bërë të ditur Policia e Kosovës në Raportin e saj 24-orësh ku ndër të tjera ka bërë e ditur se e sulmuara ka pësuar lëndime trupore dhe ka pranuar trajtim mjekësor.

Sipas policisë i dyshuar pas intervistimit  me vendim të prokurorit është dërguar në mbajtje./Llapi.info

KEDS-i ka njoftuar se edhe sot do të ketë ndërprerje të energjisë elektrike në disa pjesë të vendit. Sipas KEDS-it këto ndërprerje do të bëhen për mirëmbajtjen e rrjetit nëpër distrikte, transmeton Llapi.info.

Këto vende të Podujevës do të mbesin pa energji elektrike:

 

Më 07.09.2016  ( e mërkurë )  në TS 220/35/10 kV Podujeva do të shkyçet:

  • Dalja 10 kV Podujeva 1 (14000001) prej orës 08:00deri në orën 12:00

Gjatë kohës sa do të zgjasin punimet pa furnizim me energji elektrike do të mbesin: Javori, Furra Laura (Rugova), Blakqorët, Tabët, Beselicët, Ram Obranqa, Kopallat, Apollonia Private, Ujësjellësi i Qytetit, Kulla e Sabitit, Mulliri Blakqori.

 

Më 07.09.2016 ( e mërkurë )   në TS 220/35/10 kV Podujeva do të shkyçet:

  • Dalja 10 kV Podujeva 2 (14000002)  prej orës 08:00deri në orën 12:00

Gjatë kohës sa do të zgjasin punimet pa furnizim me energji elektrike do të mbesin: Shaban Shala, Spitali, Kombinati, Malësia Shpk, Bankosi, Shtëpia e Mallrave, Parku .

Më 07.09.2016 ( e mërkurë )   në TS 220/35/10 kV Podujeva do të shkyçet:

  • Dalja 10 kV Podujeva 5 (14000005) prej orës 16:00deri në orën 20:00

Gjatë kohës sa do të zgjasin punimet pa furnizim me energji elektrike do të mbesin: Hoxhajt 1 , 2 , 3, Polonioca 1 dhe 2, NTP Gashi, Dugllas Private, Ballovci, Hoxhajt 1/1 dhe1/2.

Më 07.09.2016 ( e mërkurë )   në TS 220/35/10 kV Podujeva do të shkyçet:

  • Dalja 10 kV Fshatrat 1 (14000009)  prej orës 12:00deri në orën 16:00

Gjatë kohës sa do të zgjasin punimet pa furnizim me energji elektrike do të mbesin: Llapashtica, Sekiraqa, Gllamniku, Konushevci dhe Burica.

Më 07.09.2016 ( e mërkurë )   në TS 220/35/10 kV Podujeva do të shkyçet:

  • Dalja 10 kV Fshatrat 2 (14000010) prej orës 08:00deri në orën 12:00

Gjatë kohës sa do të zgjasin punimet pa furnizim me energji elektrike do të mbesin mbeten: Pompa Deda Private, Godishnjak, Lluzhani, Kasablanka Private, Shakovica, Sallabaja, Majaci, Zhegrova, Lupçi i Epërm, Popova, Sibovci, Qunakët, Potokët, TMK Penuha, Sokol Lluga, Bulliqët, Albi Market, Sibovc i Epërm dhe Lluzhani.

 

Më 07.09.2016 ( e mërkurë )   në TS 220/35/10 kV Podujeva do të shkyçet:

  • Dalja 10 kV Livadicë (14000011) prej orës 08:00deri në orën 12:00

Gjatë kohës sa do të zgjasin punimet pa furnizim me energji elektrike do të mbesin: Dumnica, Shtedime, Mirovci, Livadica, Dumnica, Dogana, Haxhi Sadria dhe Diana Shpk .

Më 07.09.2016 ( e mërkurë )  në TS 220/35/10 kV Podujeva do të shkyçet:

  • Dalja 10 kV Letanci (14000012) prej orës 12:00deri në orën 16:00

Gjatë kohës sa do të zgjasin punimet pa furnizim me energji elektrike do të mbesin: Obranxha, Perani, Bajqina, Bradashi, Katunishta, Lepaja, Dobratini, Revuqi dhe Pakashtica.

Më 07.09.2016 ( e mërkurë )   në TS 35/10 kV Batllava do të shkyçet:

  • Dalja 10kV Batllava (14015001) prej orës 08:00deri në orën 12:00

Gjatë kohës sa do të zgjasin punimet pa furnizim me energji elektrike do të mbesin: Boshnjakët, Ashkalitë, Malokët, Bajraktarët, Zymerajt, Statovci, Gërdovci, Zhitialitë, Kaqibeg, Sibovc i  Ulët, Statovci Batllava dhe Altrade.

 

foto arkiv

Ekipi i Llapit nesër do të jetë musafir në Gjilan ku do të ndeshet me ekipin  e Dritës. Ndeshja mes këtyre dy ekipeve do të filloj në orën 15:00, transmeton Llapi.info.

Ndeshja në mes ekipit të Gjilanit dhe ekipit të Llapit do të zhvillohet në Stadiumin e Qytetit në Gjilan.

Ndryshe, kjo është java e tretë e Vala Superligës së Kosovës. Ekipi i Llapit ndeshjen e fundit ka arritur t’i marrë tri pikë pasi që mundi Trepçën me rezultat 2:1./Llapi.info
untitled

Rrjeti i OJQ-ve lokale “Demokracia Fillon Këtu” përmes një komunikate për media ka shprehur shqetësimin për gjendjen në të cilën gjendet shkolla fillore “Enver Maloku”. Si pasojë e gjendjes së mjerueshme të objektit shkollorë, prindërit nuk i kanë lejuar fëmijët e tyre që sot të fillojnë vitin e ri shkollë, transmeton Llapi.info.

Kjo është komunikata e plotë e rrjetit të OJQ-ve “Demokracia Fillon Këtu” drejtuar medieve:

“Rrjeti i OJQ-ve lokale “Demokracia Fillon Këtu”, pas monitorimit të fillimit te procesit mësimorë sot më datën 05 shtator 2016,ka vërejtur se në shumë shkolla të komunës së Podujevës ka pasur një vargë pengesa, mangësi rreth infrastrukturës dhe organizimit të punës për një proces të mbarë pune.

Në shkollën fillore “Enver Maloku” prindërit nuk i kanë lejuar fëmijët e tyre të shkojnë në shkollë për shkak se objekti shkollorë është në gjendje të mjerueshme, shprehim shqetësimin tonë për gjendjen e krijuar si pasoj e neglizhencës dhe papërgjegjesisë së dretjorisë për arsim në nivel komune.

Komuna e Podujevës konkretisht Drejtoria e Arsimit në këtë komunë ka qenë e obliguar të ndërmarr të gjitha masat për të siguruar se sot fëmijët të fillojnë edhe pse me vonesë një proces mësimorë të rregullt dhe pa probleme duke ofruar kushte sa më të mira për nxënësit dhe personelin mësimdhënës.

Duke qenë se edhe me heret kemi shprehur shqetësime për nivelin e dobët të mësimit që iu ofrohet nxënësve llapian, i bëjmë thirrje edhe një herë kryetarit të komunës së Podujevës z.Agim Veliu, që urgjentisht të ndërrmarr të gjitha masat për të siguruar një procesë të rregullt dhe mos ta kemi këtë gjendje si në shkollën e cekur më lart.”
OJQ