Opinione

Shkruan: Fadil Maloku, sociolog

1. Ashpërsimi i gjuhës, kohëve të fundit nga tri “barrikadimet” politike në Kosovë, mund të shpjegohet midis tjerash edhe si; “dobësi” sociale në kuptimin e qëllimit të referuesit apo pretendentit (në rastin tonë të politikanit, apo, subjektit politik) për ta anatemuar, paragjykuar, shkërmoqur, e gjithsesi, edhe stigmatizuar kundërshtarin e caktuar politik! Me këtë “metodologji gjykimi” politik, nga ana e referuesit, për ta “vogëlsuar” tjetrin në sytë e publikut, duket që synohet qëllimisht, edhe; denigrimi, frikësimi, pse jo edhe kompromitimi i individit, klanit, grupit apo subjektit të caktuar konkurrent (në rastin tonë) politik!

2. Ndërkaq, në këtë qasje tipike makiaveliste, sikur harrohet në një fakt i rëndësishëm(!) që në kulturën, mentalitetin dhe etnopsikologjinë tonë, pothuajse, në të shumtën e rasteve; i sulmuari, i “anatemuari”, pra, në fakt i “viktimizuari”, i gëzon, pra i ruan ende ato benefitet dhe “avanset” e konzervuara morale të padjallëzuarit dhe të pafajshmit! Që nënkupton se i “sulmuari”, i”targetuari”, etj. e ka të garantuar “alibinë” e fituesit që në fillet e fushatës denigruese ndaj tij!

3. Shembull, më të mirë se Rugovën, për ta ilustruar këtë model sjelljeje, nuk kemi! Ju kujtohet…atë, sa më shumë që e sulmonin kundërshtarët…, aq më shumë fuqizohej dhe mitizohej, në sytë e publikut kosovar! Kujtoj, që kjo mënyrë e të rezonuarit qytetar, ka mbijetuar dhe është prezente edhe në kohën tonë!

4. E tash, origjinën e kësaj “fryme” gjykuese dhe “relikti” social, kujtoj se duhet kërkuar diku…atje, në thellësinë e mentalitetit social! Që pamëdyshje, është ruajtur dhe kultivuar si pasojë e “përtacisë” dhe jogatishmërisë sonë, për t’u sakrifikuar jo edhe aq lehtësisht për kauzat tona të mëvonshme identitare, sociale, e sidomos sosh politike!

5. Ky fakt i “benefitit moral”, duket që nuk është llogaritur edhe aq nga denigruesit e sotëm politik. Me faktin, se ai mund t’u rikthehet atyre, edhe si një lloj “bumerangu” hakmarrës, ndaj atyre që e rritën qëllimshëm shkallën e ashpërsimit të sharjeve e fyerjeve!

6. Ashpërsimi i gjuhës, gjithashtu mund të konsistohet edhe si; ”përparësi sociale”, ngaqë, llogaritë e denigrimit… duket sikur janë bërë si të thuash; “pa hangjinë”! Për shkakun e thjeshtë, se; normimi dhe kultivimi i tipit të lartë cekur i “viktimizimit” në etnopsikologjinë dhe në “arratisjen” tonë sociale, prej gjeneratës së re (që po ndiqet t’i injektohet kjo “normë” klandestine!), më, as nuk po pranohet, e as nuk po vajtohet! Dëshmi për këtë, i kemi zgjedhjet ndëshkuese të qershorit 2017!

7. Pra, nëse i adresohemi evoluimit mental dhe social të shoqërisë sonë, ka gjasa që ky tip stigmatizimi, paragjykimi, steriotipizimi dhe anatemimi të kundërshtarit politik, të jap efektet e pritura nga ai apo ata që e “ndërrojnë” shpejtësinë dhe natyrën e gjuhës komunikuese në publik! Sharjet dhe fyerjet, faktqë japin “fuqi” politike, por, në anën tjetër edhe marrin “pushtet” moral!?

Shkruan: Bsc. Sami Shala (Gazetarë në KosovaLajm.net)

Mbi 1 milion qytetarë të Kosovës me të drejtë vote komunikuan me politikanët e tyre të preferuar me votim.
Në garë ishin 5 koalicione, 19 parti dhe 2 iniciativa qytetare. Sigurisht kjo është një e mirë e demokracisë. Por për herë të parë vërejmë një ndasi të madhe mes njerëzve, duke filluar nga ndasia etnike, ndasia gjinore, ndasia e orientimit seksual dhe ndasia e ideologjisë fetare.

Duke u bazuar në komentet e lexuesve nëpër portale vërehet që janë tekstet dhe tematikat e tekstit ato që nxisin një gjendje mendore te lexuesit që i detyron ata të reflektojnë apo të reagojnë. Por shqetësuese mbetet fakti se shumica e komentuesve shfaqin zemërim, urrejtje dhe përbuzje, madje kjo shkon deri te shfaqja e ekstremit, ku i njejti person në një lajm komenton duke ofenduar dhe në lajmin tjetër me tematikë tjetër shfaqet i butë dhe i ndjeshëm.
Mbi këto premisa po përmendi disa shembuj të shfaqjes së urrejtjes, zemërimit dhe përbuzjes.
Kam marrë si mostër analizuese gazetën ‘Express’ për shkakë të numërit të madh të lexuesve. Kam analizuar disa lajme ditore me tematikë të ndryshme për të gjetur disa përfundime.
Shembull lajmi “Kurti i hapur për bisedime me Mustafën, Pacollin e Haradinajn, përjashton PDK’në”, shpërfaqë prirjet e komentuesve dhe nxitë reagim. Një komentues shfaqë urrejtje madje urrejtja e tij ndërlidhet me etninë dhe urretja shkon deri te thirrja për dhunë, por interesante del se i njejti komentues në lajmin tjetër pasues ku flitet për një aksident trafiku i ndodhur në komunën e Suharekës dhe me fatalitet, ky komentues na shfaqet i ndjeshëm dhe social me të aksidentuarit duke njerë keqardhje për ta dhe solidarizohet me familjarët e viktimave. Ky shembull është bazë e fortë që vërteton atë se emocionet shfaqen si pasojë e interpretimeve që iu bëjmë ngjarjeve dhe mënyrës se si i përjetojmë.
Forma tjetër e shfaqjes së reagimit është e ndërlidhur direkt edhe me prirjet e gazetarit si orientues në reagimin e publikut. Po i referohemi prapë të njejtit medium Gazetës express, ku në një tekst që flet për veshjen e fytyrave publike, dhe ku teksti nuk përkonë me titullin e dhënë, ky lajm ngjallë reagimin e publikut duke fyer gazetarin direkt dhe mediumin madje duke iu referuar me terma përbuzës dhe nënçmues ndaj komunitetit LGBTI duke e quajtur gazetarin ‘Pederr’. Ky tekst ka ngjallur reagimin e publikut me fyerje dhe nervozizëm , dhe në këtë formë vërtetohet teoria e psikologut James-Lange që thotë se reagimi mund të lind nga ajo që themi dhe jo vetëm nga ajo që njerëzit përceptojnë.
Forma tjetër e përbuzjes dhe ofendimit ideologjikë janë tekstet ku flitet për kandidatë të caktuar politik, duke iu referuar me bindjet e tyre fetare apo edhe deri te ofendimi ndaj kandidateve të gjinisë femrore.
Të gjitha këto analizime një ditore janë gjetje të frikshme, paramendojeni po të analizohen gjetjet më afatgjate në tekst dhe medium të ndryshme?
Prandaj, vlerësoj se “Edukimi medial” duhet të futet si lënd mësimore në të gjitha shkollat fillore dhe të mesme për dy arsye kryesore:
1. Secili nga ne duhet të mësojë se nga fjala e thënë kemi edhe përgjegjësi. Në qoftëse hezitojmë të marrim përgjegjësinë për fjalën e thënë do të gjendemi përballë një udhëkryqi ku më nuk do të dijmë se cila është ngjyrë jeshile dhe cila e kuqe.
2. Shoqëria ka nevojë për njerëz të aftë për të kritikuar mbi bazën e njohurive dhe vlerave bazë të shoqërisë e jo mbi bazën e dëshirave dhe afërsive që kanë me njerëzit duke u kujdesur që dikush të kritikohet më shumë e dikush të kursehet nga kritika.

Shkruan: Shemsi Jashari

Dikush duhet të mbahet përgjegjës për këtë humbje spektakolare të partive që ishin në pushtet LDK-së dhe PDK-së, në komunën e Podujevës, apo mos ndoshta edhe kësaj here do të thonë se nuk ishte faji i tyre.

Jemi mësuar tani e gati 20 vite, të shohim fytyrat e njejta dhe sjelljet e mosveprimet e njejta, me një “koalicion” në heshtje dhe të pa nënshkruar mes LDK-së e PDK-së dhe pas çdo beteje të humbur nga PDK-ja, përsëri njejtë LDK qeverisë e PDK nuk e nguc shumë.

Derisa LDK dega Podujevë, nënqmon rolin e deputetëve shumë të votuar, siç ishte Shpejtim Bulliqi i cili elektoratit të LDK-së, i qendroi besnik ne premtimet e tij se nuk do ta voton Hashim Thaqin për president dhe se ka parime të qarta si përfaqsues i zgjedhur, LDK duke e perjashtuar nga lista edhe pse ka ditur fuqinë e votës që ka dhe duke future ne lista si kandidat për deputet njerëz që as lagja e vet nuk i njeh, rezultat tjetër nuk pritet. Qytetari me në fund përdori shkopin në vend të karrotës.
Kjo ka bërë që qytetari llapjanë,sidomos gjenerata e re të shikojë kah e ardhmja, duke bërë një kthesë në qendrime politike, duke votuar një subjekt shumë të vogël në numër dhe që shumë lenë për të deshiruar në organizim, siç është LVV ne LLap. E gjithë kjo vetëm e vetëm që të ndëshkoj këta drejtues lokal të degëve që në fakt nuk drejtojnë asgjë por, janë të drejtuar me teledirigjues nga dikush tjetër që në llap vjen si turist.
Me së paku dorëheqje duhet të jep komplet kryesia e degës së PDK-së, dhe LDK-së ne Podujevë dhe të shkohet në zgjedhje të brendëshme, duke ua hapur rrugën gjeneratës tjetër që të marr përgjegjësi dhe që jan të gatshëm të përballen me trendin në rritje të fuqisë së LVV. Një gjë është e qartë këta që janë dhe kështu siç janë, s’kan pse i presin zgjedhjet lokale humbjën e kan të garantuar.

Me këtë struktur aktuale, PDK dhe LDK në Podujevë do të mbetën veç sa për të thenë se ekzistojnë duke mos mundur që të dërgojnë asambleist as sa gjysma sa i kan tani.

Qytetari ka votuar Lëvizjen Vetëvendosje më shumë për të ndëshkuar PDK-në e LDK-në, se sa për diqka tjetër, por nëse nuk gjejnë forcë për reforma të thella brenda vetës, ata që kësaj here kan votuar për të ndëshkuar partitë që ishin në pushtet heren tjetër në zgjedhjet lokale, me zemër do ta votojnë LVV.

Ua keni borgjë simpatizantëve tuaj dorëheqjën e menjëhershme, pasi në demokraci mateni me votë dhe tashmë, disa herë jeni dëshmuar të pa zot për të bërë ndryshimin.
Ju edhe mund të provoni të qendroni ende por me siguri do të mbeteni të vetmuar, sepse tani në Podujevë ka alternativë serioze e cila juve si LDK ju rrezikoi shumë vendin e parë dhe zhvendosi PDK-në,nga vendi i dytë në vendin e tretë pikërisht për faktin se nuk keni reflektuar me kohë.

Edhe ashtu shumica nga ju tashmë jeni para pensioni sipas moshe.
Gjenerata e re ka zemër mos e injoroni.

Shemsi Jashari
“Demokracia Fillon Këtu”

Shkruan: Gani Mehmeti

Vetë grumbullimi i votave në një vend, në qendër të KQZ, jep mundësinë e vjedhjes së votave. Pra, që të mos vidhen ato, do të duhej të numëroheshin në vendvotim, aty ku votohet, fill pas përfundimit të votimit. Kështu është vepruar disa herë , kur nuk vidheshin votat. Materiali votues përcillej me një procesverbal nga të gjitha partitë, komisioni dhe vëzhguesit për më tutje dhe nuk kishte nevojë më të numëroheshin, sepse në vendvotime askush nuk lejon keqpërdorimin e votes së partisë dhe të kandidatëve të vet.


Grumbullimi i të gjitha votiave në KQZ nuk është asgjë tjetër, përveç se mosbesim, dyshim dhe mundësi për vjedhje, qoftë nga numëruesit, qoftë nga KQZ, qoftë nga ndërhyrjet e partive politike, po edhe nga ndërkombëtarët.


Pra, që të hiqet çdo dyshim i vjedhjes së votës pas votimit, do të duhej të bëhej numërimi në çdo vendvotim. Secili vendvotim do ia dërgonte procesverbalin Aktivit, Aktivi Nëndegës, Nëndega Degës e Dega Qendrës së partisë së vet. Kështu edhe rezultatet do të ishin shumë të shpejta, nuk do të kalonin më shumë se dy orë, dhe rezultati do të ishte i gatshëm.


KQZ, për të verifikuar rezultatin, le të numërojë pastaj sa herë të dojë për vete, jo për tjerët.
E di se kështu ka qenë me rastin e Referendumit të Kosovës në shtator të vitit 1991, po kështu ka qenë edhe me zgjedhjet e para parlamentare pas luftës.
E di, se, kjo që po e them unë, dikujt nuk i shkon përshtati, po kjo kështu do duhej të ishte.

Shkruan: Fadil Maloku, sociolog

1. Dalja në gjitha zgjedhjet e deritanishme në Kosovë, pothuajse gjithnjë është përcjell me një trend të rënies (përjashtim bëjnë vetëm zgjedhjet e para të pasluftës, kur deliriumi i vetëkënaqësisë ishte kulminat edhe shkaku i çlirimit të Kosovës!), apo procesi abstenimi të qytetarëve në zgjedhje.

2. Shqetësimi ynë, nuk do ishte aq alarmues ndoshta, sikur mosdalja apo abstenimi brengosës i qytetarëve kosovar, të ndërlidhej me indiferencën dhe apatinë publike politike në vend, dhe me sfidat (demarkacioni, asociacioni, Gjykata Speciale, Ushtria..etj.!)që e presin Kosovën pas krijimit të këtij Parlamenti dhe Qeverie

3. Sipas “dioptrive” partiake, në zgjedhjet e sivjetme, ka indikacione evidente që trendi i daljes në votime të rritet, shkaku i një mobiliteti të ri (social, politik dhe sish ekonomik), por, edhe shkaku i rrethanave të reja që u krijuan me fuzionimin partive politike në tri blloqe kryesore, në skenën politike kosovare.

4. Por, athua do të ndodhë kjo rritje e (“mbikëqyrur” dhe) e stimuluar nga stigmatizimet, mobilizimi, dhe “armiqësia” midis tyre? Në realitet, në jashtësi, fitohet përshtypja që njëmend partitë tona politike janë vërtetë të interesuara që pjesëmarrja në votime e qytetareve të rritet. Por, e vërteta është e kundërta: Ato, në fakt punojnë që rritja të ndodhë përmes shtimit të militantëve dhe klientelisteve partiak, e jo edhe qytetarëve në përgjithësi.

5. Sepse, mosdalja e qytetarëve (sipas kalkulimeve dhe ekspertizave të tyre!) në zgjedhje, dosido e rritë ndikimin e grupeve militante dhe klienteliste të subjekteve politike në vendimmarrjet e ardhshme politike, si edhe e fuqizon vendimmarrjen dhe kompetencën politike të tri pozitave kyçe në hierarkinë e shtetndërtimit!

6.(Mos)dalja në zgjedhje, sipas përvojave të pesë palë zgjedhjeve që i ka pas Kosova, mund të analizohet nga disa këndvështrime: a/Këndvështrimi SOCIAL; që ka të bëjë me dëshmimin se vërtetë po konsolidohemi, edhe: demokraci e re dhe në ekspansion, por, edhe si shtet. b/Këndvështrimi POLITIK, që ka të bëjë kryesisht me inercionin e (mos)interesimit që e kanë qytetarët me dal në votime! Ngase, kështu dukshëm u ngushtohet laku, partive politike që ata t’i votojnë vetëm militantët e vetë partiak dhe grupet e tyre klienteliste. c/Këndvështrimi EKONOMIK, që ka të bëjë kryesisht me leverdinë pragmatike të shtetit dhe institucioneve tjera sociale.

7. Realisht këto këndvështrime shkojnë në favor tê pjekurisë së asaj që unë e identifikojë si “nivel i duhur emancipimi politik” tek qytetarët kosovar!

Shkruan: Gani Mehmeti

Ulrike Lunacek u ka bërë thirrje votuesve kosovarë që të mos i votojnë njerëzit që nuk u garantojnë se do t’i plotësojnë dy kushtet për liberalizim të vizave: Demarkacionin dhe Luftimin e krimit të organizuar.

Zonja Ulrike Lunacek,

faleminderit për këtë mesazh nga Ju, të cilin as që është dashur fare ta thoni!

Ju jeni në Kosovë prej pasluftës, ju vetë keni penguar zhvillimin e vendit dhe përparimin në çdo lëmi të jetës në Kosovë. Ju jeni që keni penguar, nga që nuk i keni kryer detyrat e Juaja si duhet e kur duhet.

Ju lutemi, a e kishte në dorë drejtësinë UNMIK-u në Kosovë që nga paslufta e deri pas shpalljes së pavarësisë. Çka bëri UNMIK-u? Për hesapin tim, UNMIK-u nuk ka bërë asgjë vetëm sa i ka koklavitur dhe ndërlikuar të gjitha punët e Kosovës dhe në Kosovë. Ai vetëm sa mori bashkëpunëtorë të Millosheviqit, qoftë nga serbët, qoftë nga shqiptarët, dhe i inkuadruoi nëpër çdo pore të jetës në Kosovë, sidomos nëpër gjykata e polici. I bëri inspektorë të Punëve të Brendshme, i dërgoi në polici dhe, përmes jush, ata vodhën dëshmi, vodhën ari, vodhën euro, vodhën e fshehën edhe armatim të ndryshëm nga dhomat e dëshmive dhe kurrë nuk i zbuloi, kurrë nuk i denoncoi, kurrë nuk i dënoi. Ndërkaq, po përmes tyre, duke përgatitur aktakuza të qena e të paqena, u dënua një numër i ish luftëtarëve të Ushtrisë Çlirimtare të Kosovës, të cilët ende janë duke vuajtur burgjet padrejtësisht. Ju asnjëherë nuk e rishikuat këtë, asnjëherë nuk ndërhytë, asnjëherë nuk u bëtë njëjtë të drejtë për shqiptarët dhe për serbët, prej pas luftës.

Edhe unë pajtoj me kërkesat tuaja, sa do që e para, është kusht që vetëm Kosovës ia keni shtruar – demarkacionin me Malin e Zi.

Të jeni të bindur se askush nuk do ta kontestonte këtë kufi, sikur ai të ishte vendosur drejt, atje ku ka qenë prej kur është formuar Jugosllavia, prej kur dy shtetet ish-jugosllave e kanë vendosur atë: Serbia dhe Mali i ZI.

Vallë, kur Serbia nuk i ka dhënë më shumë Malit të Zi, përse t’i japim ne territor tonin dhe, aq më keq, ata të hynë thellë në resurset tona ujore e blegtorale, po edhe të ambientet e natyrës tonë. Vija e kufirit do të vendoset aty ku ka qenë, e bëtë apo nuk e bëta ju liberalizimin e vizave për Kosovën. Nëse ajo pjesë është me rëndësi për NATO-n, ne ia japim NATO-s, por jo Malit të Zi.

Mali i Zi ka territor  katër herë a më shumë se Kosova në raport me numrin e banorëvde. Prandaj, Kosova ka nervojë për territor më të gjërë, jo Mali i Zi.

Nëse do të ishte veprim humanitar, Mali i Zi, ashtu si edhe shtetet tjera që e rrethojnë, Shqipëria dhe Kosova kanë toka shqiptare të pushtuara, jo ne. Ne, tokë të askujt nuk kemi marrë.

Sa i përket luftimit të krimit të organizuar, shqiptarët në Kosovë janë të interesuar për këtë, por, ju lutem, edhe këtu ka ndërhyrë UNMIK-u e pastaj edhe EULEX-i. Nuk di ndonjë ndërhyrje apo dënim të EULEX-it në Kosovë, përveç ish-luftëtarëve të Ushtrisë Çlirimtare të Kosovës, me përjashtim të të akuzuarve nga Bllaca.

Po dua të them se jo që e keni luftuar ju, duke menduar në EULEX-in krimin e organizuar, por e keni penguar. Ju i dini mirë se kush është në  krimin e organizuar dhe të korrupsionit. Vetë keni dashur ta keni një gjendje të paqëndrueshme në Kosovë, sepse vetëm kështu ju do t’ia zgjatni jetën vetes në një vend të varfër, me ndihmën tuaj, për të qeverisur më lehtë e më gjatë.

Mos vallë, edhe dikush nga ju jeni të lidhur me matrapazët që bëjnë tregti me njerëzit e Kosovës, duke i hedhur ata jashtë Kosovës me para të majme? Derisa ju nuk e luftoni këtë, jeni të lidhur dhe, me gjasë, e merrni atë pjesën a përqindjen tuaj prej matrapazëve. Prandaj edhe nuk e bëni liberalizimin e vizave, sepse më nuk do të paguajë askush dhe tregtarët dhe bashkë me ta edhe ju do mbeteni pa para të pista. Nuk e arsyeton asgjë tjetër mosliberalizimin e vizave për Kosovën nga që edhe sikur të gjithë banorët e Kosovës ta lëshonin Kosovën nuk do merrej vesh për Evropën.

Me një fjalë, sundimin e ligjit në Kosovë e ka pasur UNMIK- prej pas luftës e deri mbas shpalljes së Pavarësisë, kur sundimin e ligjit e ka marrë në dorë EULEX-i. Dhe, nëse është bërë punë e mirë, nëse sundimi i ligjit është zbatuar në Kosovë, ka qenë meritë e këtyre të dyjave – UNMIK-ut dhe EULEX-it, por, edhe nëse jo, sërish mbetet meritë e tyre.

Kështu si po zvarriten punët me Gjykatën Speciale në Hagë janë zvarritur edhe me EULEX-in në Kosovë.  Kjo do të thotë: ngrih e mos e këput, sepse dikush vazhdon të qëndrojë në Kosovë vetëm për përfitime materiale.

Shkruan: Fadil Maloku, sociolog

Shkruan: Fadil Maloku, sociolog  

1.Ky tip deputeti, në ish legjislaturën e kaluar, gjatë shumicës së seancave kurr me gojën dhe gishtërinjtë e vetë nuk kanë e THËNË asnjë FJALË TË VETME, e lëre ndonjë “JO” të madhe, burrërore! Në mënyrë,që si thuhet; bile të mbahet në mend me DIÇKA!?

2.Këta, si thotë populli nuk ishin ”as hairi i shkaut , e as sherri i turkut”! Gjuha e tyre është gjuhë tipike oportune në shumicën e rasteve, e në veçanti atyre kritike kur aprovoheshin ligje që propozonte qoftë qeveria apo opozita.

3.Për këtë tip deputeti më e rëndësishme ishin interesat e tija personale se sa ato të shtetit! KËSHILLË: Nuk ju kisha rekomanduar t’u afërmve, e aq më pak vetvetes ta votojnë assesi këtë tip…!

Shkruan: Azem Osmani

Jemi në kohën e fushatës parazgjedhore për zgjedhjet e 11 qershorit. Partitë politike dhe kandidatët për deputetë kanë filluar po me të njëjtin avaz të premtimeve duke qenë në dijeni se qytetari vite me radhë i ka kuptuar mashtrimet e tyre elektorale. Partitë politike dhe kandidatët e tyre sërish po e përdorin të njëjtën melodi premtimesh, premtime bajate që kur e di rezultatin e tyre, të vjen të vjellësh.

Qytetarët tashmë janë lodhur nga mashtrimet dhe gënjeshtrat e pjesës së klasës politike që ka pasur pushtet. Ata thjeshtë nuk duan premtime të ricikluara, por garanci për zgjidhjen e nyjës së problemeve qenësore. Po të kishte ekzistuar vullneti i partive politike dhe koalicioneve parazgjedhore që të punojnë vërtetë për qytetarët, ata do të duhej të ofrojnë publikisht këto garanci në fushatë:

Luftën e pa kompromis në largimin e ndikimit të grupeve kriminale politike nga gjyqësori.

Luftën e pa kompromis në zbulimin dhe dënimin e grupeve kriminale nga sistemi shëndetësor.

Largimin e ndikimit politik nga institucionet arsimore.

Luftimin e individëve dhe grupeve të korruptuara në institucionet shtetërore dhe publike.

Mbështetjen e sinqertë ndaj atyre që dëshirojnë të investojnë në ekonominë e Kosovës, duke e monitoruar me vigjilencë gjithë procesin, në mënyrë që të mos lejojnë të interferojnë individë apo grupe në kushtëzimet me haraç të gjithë atyre që dëshirojnë të investojnë miliona euro në Kosovë.

Largimin e ndikimit politik nga agjensionet shtetërore dhe nga kompanitë publike, duke i depolitizuar plotësisht.

Largimin e ndikimit ndaj kompanive të fuqishme importuese tregtare, për të mos u krijuar favore në raport me prodhuesit vendor.

Ofrimin e transparencës maksimale gjatë proceseve tenderuese në institucionet qendrore dhe lokale.

Kur të zgjidhen të gjitha këto probleme rrënjësore që e kanë degraduar shtetin; tek atëherë mund të fillohet me premtime dhe prezantime të projekteve zhvillimore; tek atëherë do të ketë vlerë prezantimi i ideologjive të partive politike të djathta e të majta në funksion të mënyrës së qeverisjes.

Qytetari është lodhë me aktrimin e një pjese të pushtetshme të klasës politike. Qytetari po gërditet kur po i sheh skenat e fundit të vizitave që po u bëhen subjekteve afariste, e sidomos ekonomive prodhuese nga ana e liderëve politik të cilët për 17 vite premtuan, dhe jo që nuk i realizuan, por e vodhën dhe e grabitën pasurinë publike, si dhe paratë e buxhetit të shtetit.

Përderisa të tillët nuk ofrojnë garanci, por vetëm premtime të ricikluara e bajate, vota për ta do të jetë e barasvlershme me vetëvrasje qytetarie.

Shkruan: Fadil Maloku, sociolog

Shkruan: Fadil Maloku, sociolog 

1.Nëse, ka pengesa teknike (ashtu si paska thënë Znj.Daka!) për të votuar mërgata kosovare, në zgjedhjet e 11 qershorit, atëherë është absurde që të njejtit të futen në listat votuese!? Tjetër, Znj. Daka, asesi nuk guxon me “gogolin” e manipulimit nga ana e votuesve serb, t’i tremb edhe votuesit e mërgatës kosovare; ngase, Ajo, aty nuk guxon të bëjë prononcime publike politike!?

2.Kjo, jo vetëm që nuk është fer dhe aspak praktike dhe pragmatike, nga ana e KQZ-s, por, i vie era edhe tentim manipulimi…!

3.Ka kaluar koha e vjedhjeve industriale e nderuara “menagjere” e procesit zgjedhor…! Këtij “mileti” ma nuk mundesh as Ti, e askush mi shitë “dushk për gogla”! Me këtë qëndrim, Ju mbane në mend (!), do e problematizoni gjithë procesin zgjedhor, në Kosovë!

Shkruan: Shemsi Jashari, Drejtor Ekzekutiv “Demokracia Fillon Këtu”

Tash çka thot njeri pas gjithë këtyre salltave politike? Kujt me i besu se do të dal ashtu si thon të gjithë këta, për çfarë fushate mund të flasim? Tani më nuk ka dilema se si do të sillen secila qeveri që vjen në pushtet me votat tona. Do te sillen sipas qejfeve dhe interesave të veta.

Premtime pa fund e pa takt, premtime, premtime e prap premtime dhe ne fund zhgënjim masiv i qytetarit të zakonshëm, pasi krejt çka kishin premtuar nuk doli dhe nuk u realizua. Te gjithë në pako ndërruan fjalët, bënë matematika për vete sulmuan kundërshtarët dhe vazhdojnë të sulmojnë edhe sot me të njëjtat argumente dhe arsye të cilat vet i kan shkelur, hiç më largë se pas zgjedhjeve të fundit.

Brenda nate ndërron gjithçka, kjo ka bërë që edhe analistet tan të dalin huq dhe shpesh edhe të padijshëm, kjo pasi vendimet që merren skan kurfar baze logjike e as nuk mbështën në asnjë veprim logjik.

E tash çka ? Ne si elektorat si të sillemi kujt ti besojmë voten tonë, siç duket krejt pazaret politike të fuqisë se mbledhur me vota po kalkulohet për, CV –karrierën e 4 personave që drejtojnë partitë kryesore politike.

Nëse këtyre nuk iu pëlqen i ndërrojnë jo vetëm qendrimet, drejtimin, vizionin, partneret qeverisës i ndërrojnë krejt. Sot të votosh për një program politik, orientim apo ekipë qeverisëse është si të luash bastore mund të fitosh por, mundësia shumë më e madhe është të humbësh edhe atë në sekondat e fundit. Hiç ska lidhje sa mirë luan ti bastore apo çfarë studimi ke bo para se ta mbushësh tiketen , vjen “Mesi-Ronaldo” me nje aksion ne sekondat e fundit edhe ta djeg tiketen ne dorë.

Prandaj duke parë këtë gjendje që jemi, ne të vetmën mundësi e kemi që brenda subjekteve që veq jemi përcaktuar, të votojmë kandidat të pa korruptuar të drejt dhe pa dosje penale. Këtë mund ta bëjmë që të ua humbim fuqin politike vendimmarrse duke i ndëshkuar me vote atyre qw i njohim si keqwpwrdorues dhe tw korruptuar.

Ske nevoj ta ndërrosh partinë tënde ndërroj kandidatët tuaj brenda liste. Mbështeti ata që kanë të kaluar të pastër nga veprat kriminale, pasi kështu mbase ndërron edhe mentaliteti qeverisës i cili për fat të keq ka kohë që është instaluar e kohën e fundit, ka eskaluar.

Unë NUK do të votoj për kandidatët e KORRUPTUAR! Mos i voto as ti !
Bashkë ta bëjmë ndryshimin brenda vetes !