Lajmet

I pari i AAK-së, Ramush Haradinaj, gjat vizitës në Bashkësinë Islame të Kosovës, u shpreh se është nder të urohet Festa e Bajramit pas një muaji sakrifice.

Ai theksoi se shqiptarët janë popull solidar dhe siç tha ai, solidariteti duhet të dëshmohet çdo ditë.

“E kam për nder sot, të uroj Fitër Bajramin, Bahskësisë Islame, Myftiut tonë z. Tërnava së bashku me bashkëpunëtorë, të gjithë besimtarëve mysliman shqiptar dhe gjithë myslimanëve, këtë festë që vjen pas një muaji përkushtimi dhe sakrifice të Ramazanit dhe që e ka porosi solidaritetin e ndërsjelltë. Ne shqiptarët vërtet jemi popull solidar, por duhet po ashtu të shërbehemi me këtë porosi jo vetëm në ditë feste. Urime dhe me fat”, tha Haradinaj, gjatë vizitës në BIK, ku u prit nga kreu i këtij institucioni, myftiu Naim Tërnava.

Krerët e Lidhjes Demokratike të Kosovës vizituan Bashkësinë Islame të Kosovës, ku i kryetari i kësaj partie, Isa Mustafa, përmes urimit të tij për Bajram, vlerësoi punën e BIK-ut.

Mustafa tha se Bashkësia Islame ka bërë një punë shumë të madhe në ruajtjen e unitetit në vend dhe më gjerë.

“Unë shfrytëzoj ratin t’iu uroj juve këtë Festë shumë të rëndësishme për ne. Isha sot që Bashkësisë Islame dhe Myftiut t’i urojë Festën e Bajramit. Kjo është festë që të gjithëve na bënë bashkë, jo vetëm simbolikisht në një tryezë, por edhe mendësisht që ne bashkarisht të shkojmë përpara, që të zgjidhim të gjitha problemet që janë probleme të qytetarëve tanë, që të jetojmë më mirë, që të respektojmë vlerat themelore të një shoqërie, që të punojmë për paqe, për stabilitet dhe për mirëqenie të gjithë qytetarëve tanë. Unë shpreh edhe sot, respektin shumë të lartë për Bashkësinë Islame të Kosovës, për punën që kjo Bashkësi dhe që e ka bërë në unitetin e qytetarëve tanë, por edhe në ruajtjen e paqes dhe sigurisë në vendin tonë dhe më gjerë”, tha ai.

Kreu i Ipeshkvisë së Kosovës, imzot Dodë Gjergji në vizitën e tij në Bashkësinë Islame të Kosovës, uroi qytetarët për Festën e Bajramit duke iu dëshiruar paqe dhe mirësi.

“Jam këtu për të uruar Bashkësinë Islame, z.Tërnava dhe të gjithë besimtarët mysliman për Festën e Bajramit, për t’i përgëzuar për sakrificën që kanë bërë këtë muaj dhe për të uruar që Zoti t’ju shpërblejë të gjithëve. Paçi paqe, bekim, mirësi, mirëqenie dhe dashuri mes njëri tjetrit”, u shpreh ai.

Kryetari i NISMA për Kosovën, Fatmir Limaj, gjatë vizitës së i që bëri Bashkësisë Islame të Kosovës me rastin e Festës së Fitër Bajramit, ka thënë se muaji i Ramazanit është shembulli më i mirë se besimi në Zot është besim në të mirë dhe besim në paqe.

Ai uroi që me këtë rast të pranohen të gjitha mesazhet e kësaj dite.

“Patëm kënaqësinë të vijmë tek Myftiu ynë, dhe përmes kësaj me i uruar gjithë qytetarët tanë për këtë Festë të madhe të Bajramit. Pas një muaji sakrifice, agjërimit, mëshirës vjen Bajrami dhe si shpërblim për gjithë përkushtimin që besimtarët kanë pasur në drejtim të Zotit, unë e shfrytëzova rastin që besimtarët t’i uroj përmes Myftiut, paqja dhe mëshira qoftë me ta. Të pranohen mesazhet e kësaj feje të paqes. Shembulli më i mirë se besimi në Zot është besim në të mirë dhe në paqe, është pikërisht muaji i Ramazanit”, ka thënë Limaj.

Me rastin e vizitës së tij në Bashkësinë Islame të Kosovës, presidenti i AKR-së, Behgjet Pacolli në urimin drejtuar qytetarëve u shpreh se lutet që të mbretërojë mirëqenia mbi popullin e Kosovës.

“Në këtë ditë të madhe shfrytëzoj rastin që t’iu uroj të gjithë qytetarëve myslimanë të Kosovës Ditën e Bajramit. Lus Perëndinë që të dominojë gjithmonë mirëqenia, lumturia dhe begatia mbi popullin tonë”, tha Pacolli.

Kryetari i PDK-së, Kadri Veseli, me rastin e vizitës së tij në Bashkësinë Islame të Kosovës, ka ftuar të gjithë qytetarët që ta duan më shumë njëri-tjetrin sepse kështu në mënyrë më të mirë ec edhe vendi ynë përpara.

“Me fat Bajrami të gjithë besimtarëve mysliman, të gjithë atyre që besojnë tek Zoti, tek mirësia, tek dashamirësia dhe tek afrimi me njëri-tjetrin. Kjo është një ditë e madhe, një ditë e veçantë, një ditë e përmendjes, mëshirës dhe bamirësisë. Kisha ftuar të gjithë qytetarët, ta ndihmoni njëri-tjetrin, të qëndroni më afër njëri-tjetrit dhe dojeni më shumë njëri -tjetrin sepse kështu në mënyrë më të mirë ec edhe vendi ynë përpara”, tha Veseli.

Ai ka theksuar se në këtë ditë duhet të kujtohen heronjtë e rënë në luftën për lirinë e Kosovës, si dhe të afërmit të cilët më nuk janë në mesin e familjeve të tyre.

Mijëra besimtarë të Fushë-Kosovës sot kanë falur namazin e Fitër -Bajramit në stadiumin e qytezës.

Në njoftimin dhe fotografitë e dërguara nga Ramadan Shkodra , zyrtar për informim në Bashkësinë Islame të Kosovës, thuhet se në faljen e namazit të Bajramit në Fushë Kosovë kanë qenë të pranishëm edhe krerët e Këshillit të Bashkësisë Islame.

Në gjuhën shqipe përkthimet e para të sureve dhe ajeteve të Kur’anit janë bërë nga poeti i madh i letrave shqipe, Naim Frashëri që janë botuar në veprën e tij “Mesime”. Por, përkthimi i parë i plotë i Kur’anit në gjuhën shqipe është ai i akademikut kosovar Feti Mehdiu, në vitin 1985

Profesori universitar në pension, për lajmi.net ka folur rreth asaj se cili përkthim i librit të shenjtë të myslimanëve në gjuhën shqipe është më i pranishëm në duart e qytetarëve.

Feti Mehdiu është Akademik me korrespondencë në Kajro. Aktualisht është edhe asambleist në Kuvendin e Prishtinës nga radhët e Partisë së Drejtësisë.

Studiuesi i orientalistikës nuk dëshiron të flet shumë për përkthimet dhe interpretimin e Kur’anit që bëhet në xhamitë e Kosovës.

“Për interpretime, unë kam njëfarë kandari tjetër. Nuk u jap shumë rëndësi kush se si interpreton, sepse në interpretime kam përshtypje që mund të bëhen edhe gabime. Unë jam përqendruar vetëm në përkthimin origjinal, pastaj secili e ka mënyrën e vet të përkthimit dhe pastaj interpretimit. Dikush mund të jetë më i qartë në përkthim, dikush më ndryshe. Por, tu them të drejtën, kam pritur më shumë angazhim nga studiuesit që të kapen më gjerësisht në punët e përkthimeve”, tha Mehdiu për lajmi.net .

I pyetur nëse myslimanët e Kosovës e aplikojnë sa duhet Kur’anin dhe rregullat islame, Mehdi thotë se për këtë duhen hulumtime më të detajuara, duhet të shihet nëpër xhami, nëpër qytete e katunde etj, etj; pastaj do të mund të them diçka në lidhje me këtë çështje.

“Unë nuk kam bërë këso hulumtimesh. Pra, nuk mund të jap ndonjë vlerësim pa e bërë ndonjë analizë më të detajuar. Ai që bënë këso analizash të paktën duhet ta njeh Kuranin dhe hadithet e Pejgamberit”, tha Mehdiu.

Kryetari i Turqisë Recepp Tayyip Erdogan ka deklaruar se ndjehet mirë pasi që për një të shkurtër iu përkeqësua gjendja shëndetësore gjatë faljes së Bajramit në një xhami të Stambollit, transmeton Llapi.info.

“Pata problem me qarkullim të gjakut si pasojë e diabetit”, iu tha Erdogan gazetarëve para Xhamisë.

“Faleminderit Zotit, tash jam mirë” shtoi ai .

Gazeta turke Hürriyet ka njoftuar për këtë telash shëndetësor të kryetarit të Turqisë.

“Truprojat vrapuan te presidenti e pastaj erdhën edhe mjekët”, njofton gazeta dhe shtoi se Erdogan pastaj u dërgua në një pjesë tjetër të xhamisë.

Disa medie turke njoftuan se Erdoganit i kishte rënë të fikët.

Situata shqetësuese në Lezhë, ku një aktivist i Lëvizjes Socialiste për Integrim u plagos me armë nga banka kriminale të Rilindjes, siç u shpreh më herët edhe Luan Rama, ka bërë që kreu i Kuvendit Ilir Meta të niset me urgjencë drejt Lezhës.

Për të mbrojtur zgjedhjet e lira e për të ruajtur votën, Meta përcolli këtë mesazh: “Bandat e drogës nuk mund të mbajnë peng Shqipërinë”.

Më herët në një konferencë për mediat, nënkryetari i LSI-së Luan Rama bëri publike atë se çfarë kishte ndodhur pranë një qendre votimi në Shëngjin.

Persona të armatosur, që Rama i quajti banda kriminale që veprojnë “nën bekimin” e Rilindjes, kanë plagosur me armë aktivistin e LSI-së, ndërsa hodhi akuza të forta ndaj policisë se nuk vepron ndaj këtyre rasteve, edhe pse është sinjalizuar.

Sot Shqipëria voton për ligjvënësit e rinj.