Lajmet

Foto ilustruese

Një 18-vjeçar ka vdekur si pasojë e plagëve të marra nga goditja me thikë që ia ka bërë vëllai i tij në një lagje në Ferizaj.

Policia e Kosovës për rajonin e Ferizajt, ka njoftuar se Q.M. 18-vjeçar është therur me thikë të mërkurën në rrugën “Fan Noli” në Ferizaj.

Policia ka arrestuar të dyshuarin A.M, 16-vjeçar, i cili ka therur me thikë vëllanë e tij të madh.

Pas intervistimit, në konsultim me Prokurorin e Shtetit është marrë masa e ndalimit policor prej 24 orëve.

Në vendin e ngjarjes është gjetur dhe konfiskuar arma e ftohtë- thika, me të cilën dyshihet se është kryer vepra.

Me 23.06.2017 , nga ana e mjekëve kujdestarë jemi informuar se viktima Q.M. nga lëndimet e pësuara ka ndërruar jetë.

Është njoftuar Prokurori i Shtetit i cili autorizon Sektorin e Hetimeve rajonale që të merren me kompletimin e rastit,kurse trupi i pajetë dërgohet për obduksion.

Komisioni Qendror i Zgjedhjeve ka marrë vendim që për zgjedhjet lokale të 22 tetorit të jetë një muaj fushatë.

Fushata do të fillojë më 21 shtator dhe do të përfundojë më 20 tetor, raporton KTV.

Gjatë mbledhjes së KQZ-së është njoftuar se rinumërimi i 280 kutive të zgjedhjeve të parakohshme të 11 qershorit do të përfundojë sot, mirëpo nuk do të jenë të përfshira votat me kusht.

Foto ilustrim

Prokuroria Speciale e Kosovës, ka ngritur aktakuzë kundër Z.V. për veprat penale të cilat ndërlidhën me krime lufte kundër popullsisë civile.

Sipas aktakuzës, i pandehuri gjatë kohës së konfliktit të armatosur në Kosovë, më 17.04.1999, rreth orës 13:00, në rrugën “Rruga e Kosovës” – tani “Bajram Miftari”, në afërsi të varrezave në Vushtrri, në bashkëkryerje me NN personat, në cilësinë e rezervistit të policisë, të veshur me uniforma të policisë serbe dhe të armatosur kanë vepruar në kundërshtim me normat e se drejtës ndërkombëtarë nё fuqi gjatë konfliktit në Kosovë.
Prokuroria Speciale ka sqaruar se i akuzuari “pasi ka shkuar në shtëpinë e të dëmtuarit S.M., rrёmbyshёm kanë hapur derën e korridorit dhe aty e kanë takuar të dëmtuarin e lartcekur, ku i pandehuri Z.V. fillimisht i ka vendosur tytën e armës se tij kallashnikov në gjoks duke i thënë ‘i ke dy minuta kohë ta lëshosh shtëpinë’, me pas e ka plaçkitur të njëjtin duke e detyruar t’i zbraze xhepat dhe t’i jap kuletën më të holla në të cilën i kishte 350 DM dhe 470 Dinar me gjithë dokumentacionin, e pastaj i dëmtuari ishte detyruar që menjëherë ta vesh nënën e sëmur e të palëvizshme dhe ta qes jashtë shtëpisë në oborr, e nga aty me veturën e tij ta largojë familjen duke e dërguar në shtëpinë e T.F. afër varrezave të qytetit të Vushtrrisë, ndërsa pas pak kohë kur i dëmtuari kthehet ai shef se shtëpia e tij kishte marrë zjarr”.

këtë i pandehuri në bashkëkryerje ka kryer veprën penale Krime Lufte kundër popullatës civile, në kundërshtim me Nenin 142 lidhur me nenin 22 të Kodit Penal të Republikës Socialiste Federale të Jugosllavisë (KPRSFJ) paralel me Nenin 3 (1a) i përbashkët për Katër Konventat e Gjenevës, po ashtu e përfshirë me nenin 152 (1) dhe (2.1) dhe nenin 153 (2) lidhur me nenin 31 tё Kodit Penal tё Republikës së Kosovës.

ashtu, i pandehuri më 18.04.1999, rreth orës 15:00, në rrugën “Rruga e Sitnicës – tani “Enver Musa”, në afërsi të varrezave të qytetit të Vushtrrisë, në bashkëkryerje me NN personat, në cilësinë e rezervistit të policisë serbe, të veshur me uniforma të policisë serbe dhe të armatosur kanë vepruar në kundërshtim me normat e se drejtës ndërkombëtarë në fuqi gjatë konfliktit në Kosovë, duke shkelur Nenin 3 (1a) të përbashkët për Katër Konventat e Gjenevës të 12 gushtit të vitit 1949, po ashtu edhe protokollin shtesë (protokolli II) të kësaj Konvente të vitit 1977, neni 4, pikat 1 dhe 2, kanë vrarë djaloshin e nacionalitetit shqiptar të moshës 13 vjeçare – B.M. me armë automatike, në atë mënyrë që: tani viktima-B.M. së bashku me djalin e axhës se tij F.M. kishin marrë biçikletën e fqiut S.B. dhe kishin dal në lagjen afër varrezave të qytetit të Vushtrrisë, duke lëvizur në drejtim të varrezave të qytetit. Me të arritur tek rruga “Bajram Miftari” kishin dëgjuar disa krisma armësh dhe nga frika ndërrojnë rrugën dhe nisën në drejtim të rrugës “Enver Musa”, e pikërisht në rrugën kryesore në drejtim të varrezave të qytetit i shohin tre policë të uniformuar dhe tё armatosur, e në momentin kur dy fëmijët e lartcekur fillojnë të kthehen me biçikletë për të ikur, njëri nga policët e uniformuar – tani i pandehuri Z.V., pa paralajmërim, nga largësia prej 30 metrash, gjuan me armë zjarri në drejtim të fëmijëve duke e qëlluar në gjoks fëmijën B.M. i cili vdes menjëherë, ndërsa fëmija tjetër F.M. arrin me fat tu shpëtojë të shtënave me armë, duke u fshehur afër murit të një dyqani i cili ndodhej aty afër.

“Me këtë i pandehuri në bashkëkryerje ka kryer veprën penale Krime Lufte kundër popullatës civile, në kundërshtim me Nenin 142 lidhur me nenin 22 të Kodit Penal të Republikës Socialiste Federale të Jugosllavisë (KPRSFJ) paralel me Nenin 3 (1a) i përbashkët për Katër Konventat e Gjenevës, po ashtu e përfshirë me nenin 152 (1) dhe (2.1) lidhur me nenin 31 të Kodit Penal të Republikës së Kosovës”, thuhet në njoftimin e Prokurorisë.

Aktakuza është ngritur nga një prokuror vendës i Prokurorisë Speciale të Kosovës në bashkëpunim me një prokuror të misionit EULEX, të cilët i kanë propozuar gjykatës kompetente që të pandehurin ta shpallë fajtor për veprat e kryera penale dhe ta dënojë sipas ligjit.

Ambasada e Shteteve të Bashkuara të Amerikës është shprehur e lumtur me numrin e madh të votuesve në zgjedhjet e 11 qershorit. Megjithatë, ata thonë se është në dorën e qytetarëve të Kosovës që ta zgjedhin se kush duhet të udhëheqë me shtetin.

“Ishim të lumtur kur pamë se aq shumë qytetarë dolën për të votuar. Është populli i Kosovës ai që duhet zgjedhur se kush duhet ta udhëheqë shtetin”, ka thënë për “Zërin” zëdhënësja e ambasadës së SHBA-së në Kosovë, Michelle Schon.

Sipas saj, SHBA-ja shpreson që Kosova sa më parë ta formojë një qeveri e cila do të merrej me problemet akute për vendin, siç janë: zhvillimi ekonomik, integrimi evropian e stabiliteti rajonal.

“Ne e kuptojmë se të gjithë presin certifikimin e numërimit të votave nga ana e Komisionit Qendror të Zgjedhjeve. Pasi që të certifikohet vota ne shpresojmë se shpejt do të formohet një qeveri, e cila do të mund të fillojë t’i zgjidhë problemet akute, gjë që do ta avancojë zhvillimin politik dhe ekonomik të Kosovës, integrimin e saj euroatlantik dhe stabilitetin rajonal”, ka thënë më tutje Schon.

Në fund Schon ka thënë se çdo vonesë në formimin e Qeverisë së vendit nuk do të ishte në interesin e qytetarëve dhe ekonomisë së Kosovës. “Vonesat e gjata në formimin e Qeverisë nuk janë në interesin më të mirë të Kosovës, ekonomisë së saj dhe popullit të saj”, ka përfunduar Schon.

Ministria në largim e Financave ka njoftuar të gjithë shërbyesit e administratës publike dhe ata që marrin pagë nga Buxheti i Kosovës, se Ministria e Financave ka bërë sot ekzekutimin e pagave për muajin qershor .

Kjo ministri bën të ditur se për shkak të festës së Fitër Bajramit, dhe duke u nisur nga gjendja e mirë në bilancin bankar të Qeverisë, ekzekutimi i pagave është bërë disa ditë më herët nga ekzekutimi i rregullt.

Me këtë rast, ministri në detyrë i financave, Avdullah Hoti të gjithë besimtarëve mysliman të Kosovës i ka uruar festën e Fitër Bajramit, duke iu dëshiruar më shumë paqe, harmoni, solidaritet dhe mbarësi në familjet e tyre.

Ministri i Punëve të Jashtme i Kosovës, Enver Hoxhaj ka zhvilluar sot një telefonatë urimi me ministren e sapo emëruar për Punë të Jashtme dhe Çështje Evropiane të Kroacisë, Marija Pejčinović Burić.

Hoxhaj e ka uruar homologen kroate për pozitën, ndërsa ka shprehur gatishmërinë dhe interesimin për bashkëpunim të mëtejmë në thellimin e marrëdhënieve të shkëlqyera që ekzistojnë në mes dy vendeve.

Në këtë telefonatë, Hoxhaj ka theksuar marrëdhëniet e shkëlqyera mes Kosovës dhe Kroacisë, duke e vlerësuar si një nga partnerët strategjikë të Kosovës në rajon.

Ministri Hoxhaj ka shprehur interesim për intensifikim të bashkëpunimit jo vetëm në planin politik por edhe në fusha të tjera të interesit të përbashkët të Kosovës dhe Kroacisë.

Kryesia e Bashkësisë Islame të Kosovës ka njoftuar se muaji i madhëruar i Ramazanit përfundon ditën e shtunë, më 24 qershor 2017 dhe dita e parë e festës së Fitër – Bajramit është të dielën, më 25 qershor 2017.

Manifestimi qendror për festën e Fitër – Bajramit për Republikën e Kosovës mbahet në Xhaminë e Madhe në Prishtinë, njofton Klan Kosova.

Manifestimi fillon në ora 04:15, me faljen e namazit të sabahut, pas të cilit do të jetë ligjërata tematike kushtuar kësaj feste nga Ekrem ef. Maqedonci.

Namazi i Fitër – Bajramit falet në ora 05:37 minuta të cilit do t’i prijë, Sabri ef. Bajgora-kryeimami i BIK-ut.

Hytben e Fitër – Bajramit do ta mbajë Myftiu i Kosovës, Naim ef. Tërnava, i cili do t’u drejtohet opinionit të gjerë me mesazh për këtë festë.

Kryetari i Partisë Demokratike të Kosovës, Kadri Veseli, në një intervistë për Ekonomia Online ka vlerësuar se zgjedhjet e parakohshme të 11 qershorit ishin fer dhe demokratike.

Sipas kreut të PDK-së, rezultatet paraprake kanë nxjerrë fitues koalicionin PDK-AAK-Nisma dhe ky vendim i qytetarëve duhet të respektohet nga të gjithë.

Ish-kreu i Kuvendit shprehet i bindur se në pjesën e parë të korrikut do të formohen institucionet e reja për katër vitet të ardhshme, me kryeministër Ramush Haradinaj.

Ai shprehet se nuk është në interes të askujt në Kosovë që të ketë një bllokadë, sikur ajo e vitit 2014, e cila ishte e bazuar në ndjenja të mllefit dhe të revanshizmit.

Sipas rezultateve preliminare, për të formuar qeverinë e re, PAN-i duhet të bëjë koalicion edhe me ndonjërin nga subjektet e tjera, ose me parti të caktuara, si AKR-në, por dhe mund “të peshkojë” disa deputetë.

Por, Veseli mohon se partia që e drejton ka biseduar me individë të caktuar, në mënyrë që të sigurojnë votat për formimin e qeverisë.

“Princip e kemi të bëjmë biseda me parti politike, jo me individë të veçantë, në mënyrë që të krijohet stabilitet politik, stabilitet institucional; në mënyrë që t’i hapet perspektiva ekonomike vendit”.

“Kemi biseda me të gjithë. Bisedat janë të hapura. Ne nuk vendosim vija të kuqe ndaj qytetarëve, kur zgjedhin qytetarët tonë. Si parti ndoshta as nuk mendojmë të jemi në koalicion me faktorë të caktuar, por vija të kuqe ne nuk vëmë; vijat e kuqe janë koncepte të tejkaluara, janë koncepte të cilat nuk kanë të bëjnë me demokracinë e këtij vendi. Është çështje e parimeve programore, a bën koalicion apo nuk bën, e dëshiron dikë, s’e dëshiron. Në kuptimin e dashnisë, njeriu një herë në jetë martohet… Por kjo është politikë”.

Bartësi i listës së PAN-it thotë se nuk kanë biseduar konkretisht me partnerët për ndarjen e posteve.

“Ajo çka dihet qartë është se për katër vitet e ardhshme kryeministër do të jetë Ramush Haradinaj. Pastaj do të kemi vendime të cilat do t’i marrim që janë në interes strategjik të këtij vendi”.

Në këtë intervistë për EO, Veseli ka folur edhe për rënien e pjesëmarrjes në zgjedhjet e përgjithshme në zonat që janë konsideruar si “hambarë të votave” për PDK-në, si Skenderaj e Drenasi.

Ai thotë se Drenica është bazamenti i PDK-së dhe se për zgjedhjet lokale që do të mbahen me 22 tetor do të tregohet edhe një herë se në këtë rajon do të fitojnë bindshëm.

“Drenica është simpatike se e ka hequr Serbinë, Drenica është simbol i këtij vendi… Keni parasysh këtë, te Drenica nuk ka ftohje dhe nuk do të ketë ftohje nga themeluesja – Partia Demokratike e Kosovës; aty është bazamenti”.

Por, sipas tij, nëse merret përqindja që nga viti 2014 ka vetëm 1% ndryshim.

Sa i përket kushtëzimeve që mund të vijnë nga Lista Serbe për të votuar Ramush Haradinajn për kryeministër, Veseli shprehet kategorik se nuk do të lejojnë në asnjë variant kushtëzime nga askush.

“Kosova ka Kushtetutën dhe ligjet e veta dhe nuk do t’i nënshtrohet për asnjë moment diktatit të askujt”, ka thënë kreu i PDK-së.

INTERVISTA E PLOTË:

EO: Z. Veseli si e vlerësoni procesin zgjedhor dhe rezultatet e zgjedhjeve të 11 qershorit?

Veseli: Ndryshe nga viti 2014, tani kemi qartësi të formimit të institucioneve pas rezultati zgjedhor. Koalicioni fitues ka të drejtë kushtetuese për të formuar qeverinë. Në të njëjtën kohë, unë besoj se nuk është në interes të askujt në Kosovë që të kemi një bllokadë e cila më tepër iu ngjason ndjenjave të mllefit sesa një politike e cila është në një shtet demokratik dhe revanshizmit, që të mendojmë për atë që është interes qytetar. Pas certifikimit të rezultateve, shumë shpejt, në pjesën e parë të korrikut, presim që të kemi formimin e institucioneve të reja për katër vitet e ardhshme.

EO: Sipas këtyre rezultateve, për të formuar Qeverinë PAN-i duhet të bëjë koalicion edhe me njërin nga subjektet e tjera, p.sh me LDK-në ose vetëm me AKR-në… A keni filluar kontaktet, ju ose z. Haradinaj si mandatar, me ndonjërin nga këto subjekte ose me “deputetë” të caktuar?

Veseli: Princip e kemi të bëjmë biseda me parti politike, jo me individë të veçantë, në mënyrë që të krijohet stabilitet politik, stabilitet institucional; në mënyrë që t’i hapet perspektiva ekonomike vendit. Kemi biseda me të gjithë, bisedat janë të hapura; ne nuk vendosim vija të kuqe ndaj qytetarëve kur zgjedhin qytetarët tonë. Si parti ndoshta as nuk mendojmë të jemi në koalicion me faktorë të caktuar, por vija të kuqe ne nuk vëmë; vijat e kuqe janë koncepte të tejkaluara, janë koncepte të cilat nuk kanë të bëjnë me demokracinë e këtij vendi. Është çështje e principeve, e parimeve programore, a bën koalicion apo nuk bën, e dëshiron dikë, s’e dëshiron… Në kuptimin e dashnisë, njeriu një herë në jetë martohet edhe ajo kryhet… Por, në politikë jemi.

EO: A keni diskutuar me dy partnerët e koalicionit për ndarjen e pozitave? A do të jeni ju përsëri kryetar i Kuvendit? Nëse e merrni sërish këtë pozitë, ka pasur analistë ose rivalë tuaj që kanë thënë se motoja e fushatës së PDK-së “Fillimi i Ri” nuk ka kuptim. Si do t’iu përgjigjeshit atyre?

Veseli: Nuk kemi biseduar, të jem i sinqertë, për çështje të cilat kanë të bëjnë me egot personale të individëve, apo me përgjegjësit që duhet t’i marrë. Ajo çka dihet qartë është se për katër vitet e ardhshme kryeministër do të jetë Ramush Haradinaj. Pastaj do të kemi vendime të cilat do t’i marrim, në interes strategjik të këtij vendi. Sa i përket PDK-së, do të veprojë cili është interesi më i mirë, të cilën unë e konsideroj si kryetar i partisë. Partia ka nevojë që të ecë fuqishëm përpara, ka nevojë që të reflektojë dhe në të njëjtën kohë që të ndryshojë.

EO: A keni biseduar me partitë e pakicave për formimin e qeverisë, saktësisht me Lisën Serbe? A prisni të ketë problem që Lista Serbe, e cila sikur dihet çdo vendim e merr në konsultim me Beogradin, ta votojë z. Haradinaj si kryeministër, për shkak të perceptimit të krijuar te serbët për si një ish-luftëtar, edhe pse ai ka dalë i pastër nga të gjitha proceset në Hagë.

Veseli: Kryeministri Haradinaj do të jetë për katër vite kryeministër. Nuk do të lejomë në asnjë variant kushtëzime, qoftë të shtetit të Kosovës, qoftë të institucioneve nga kushdo qoftë. Nuk ka kushte, nuk do të lejomë të ketë kushte, nuk do të lejomë asnjë kushtëzim. Kosova është shtet i pavarur dhe sovran. Kosova ka rregullat e veta. Kosova ka Kushtetutën dhe ligjet e veta dhe nuk do t’i nënshtrohet për asnjë moment diktati të askujt.

EO: Në këto zgjedhje, në disa nga zonat të cilësuara si “hambarët e votave” për PDK-në (si Skenderaj e Drenas) ka pasur rënie të pjesëmarrjes në zgjedhje? Çka do të bëni që t’i mobilizoni votuesit besnikë të PDK-së në zgjedhjet lokale që do të mbahen më 22 tetor?

Veseli: Po shndërrohet në shumë simpatike Drenica. Qe 18 vjet është një specifikë kur voton çdo herë 80% e 90%. Drenica është simpatike se e ka hequr Serbinë, Drenica është simbol i këtij vendi për aq sa janë simbol të gjitha regjionet e tjera. Keni parasysh këtë, te Drenica nuk ka ftohje dhe nuk do të ketë ftohje nga themeluesja – Partia Demokratike e Kosovës; aty është bazamenti. Nëse merret përqindja që nga viti 2014 kemi 1% ndryshimi me 2016. PDK nuk i nënshtrohet shantazhit pos vullnetit të qytetarëve.

Një 18-vjeçar ka vdekur si pasojë e plagëve të marra nga goditja me thikë që ia ka bërë vëllai i tij në një lagje në Ferizaj.

Policia e Kosovës për rajonin e Ferizajt, ka njoftuar se Q.M. 18-vjeçar është therur me thikë të mërkurën në rrugën “Fan Noli” në Ferizaj.

Policia ka arrestuar të dyshuarin A.M, 16-vjeçar, i cili ka therur me thikë vëllanë e tij të madh.

Pas intervistimit, në konsultim me Prokurorin e Shtetit është marrë masa e ndalimit policor prej 24 orëve.

Në vendin e ngjarjes është gjetur dhe konfiskuar arma e ftohtë- thika, me të cilën dyshohet se është kryer vepra.

Me 23.06.2017 , nga ana e mjekëve kujdestarë jemi informuar se viktima Q.M. nga lëndimet e pësuara ka ndërruar jetë.

Është njoftuar Prokurori i Shtetit i cili autorizon Sektorin e Hetimeve rajonale që të merren me kompletimin e rastit,kurse trupi i pajetë dërgohet për obduksion.

Në vazhdën e realizimit të projekteve të mbetura për këtë mandat qeverisës, Komuna e Podujevës sot ka përuruar edhe një projekt tjetër e që është projekti i tretë radhazi për 3 ditë, njofton Llapi.info.

Rruga e cila lidhë Lagjen e Bajgorëve në fshatin Dobratin me rrugën magjistrale Kërpimeh- Bajgorë, është përuruar sot nga i pari i Podujevës, Agim Veliu.

Veliu këtë e ka bërë të ditur përmes llogarisë së tij Facebook ku ka shkruar se rruga e shtruar ditë më parë është përuruar sot së bashku me banorët e Lagjes së Bajgorëve të fshatit Dobratin./Llapi.info