Kulturë

Foto ilustrim

Një vizitor i ekspozitës “Infinity Mirrors” në Washington e ka humbur drejtpeshimin duke bërë selfie dhe ka rënë mbi një kungull, duke e shkatërruar atë.

Kjo ndodhi në ekspozitën e artistes Yayoi Kusama, “All the Eternal Love I Have for the Pumpkin” (E gjithë dashuria e përjetshme që kam për kungullin”).

Një skulpturë e ngjashme është shitur për afro 800.000 dollarë në muajin gusht të 2015, njofton Klan Kosova.

Alison Peck, zëdhënëse e Muzeut Hirshhorn, tha se kungulli ishte njëra prej shumë pjesëve të një vepre më të madhe, e jo vepër e mirëfilltë.

Artistja Yayoi Kusama njihet për qëndrimet e saja feministe.

pumpkin-selfie

 

Nëna më tha: Nëse je një ushtar, do të bëhesh gjeneral. Nëse je një murg, do të bëhesh Papë”. Në vend të kësaj, unë isha piktor, dhe u bëra Pikaso. (Pablo Pikaso)

Në mesin e vështirësisë qëndron mundësia. (Albert Ajnshtajn)

Unë mendoj se arsimimi është fuqi. Unë mendoj se të qënit në gjendje për të komunikuar me njerëzit është fuqi. Një nga qëllimet e mia kryesore është të inkurajoj njerëzit të fuqizojnë vetveten. (Oprah Uinfri)

Deri kur të jeni gati të dukeni qesharakë, nuk do të keni mundësinë për të qenë të mëdhenj. (Sher)

E vetmja gjë që kam bërë dhe që nuk është zvogëluar nga fati i mirë, është se kam vazhduar të ec përpara, kur të tjerët hoqën dorë. (Herrison Ford)

Shumë nga dështakët, janë njerëz që nuk e kuptojnë sa pranë suksesit ishin në momentin kur hoqën dorë. (Tomas Edison)

Qëndroni larg njerëzve që përpiqen të pakësojnë ëndrrat tuaja. Njerëzit e vegjël veprojnë gjithnjë kështu, por ata që janë realisht të mëdhenj ju bëjnë të ndiheni se edhe ju gjithashtu, mund të bëheni i madh. (Mark Tuein)

Kur njerëzit ju lëndojnë pa pushim, mendojini ata si një si letër zmerili. Ata mund t’iu gërvishtin dhe lëndojnë paksa, por në fund ju lëmoheni dhe ata do të bëhen të padobishëm. (Kris Kolfer)

Pothuajse të gjithë njerëzit mund t’iu rezistojnë vështirësive, por në qoftë se doni të testoni karakterin e një njeriu jepini atij pushtet. (Abraham Linkoln)

Druaj se duhet ta bëjmë botën të ndershme, para se të mund t’iu themi sinqerisht fëmijëve tanë se ndershmëria është politika më e mirë. (Xhorxh Bernard Shou)

Shtatë gjëra do të na shkatërrojnë ne njerëzve:

Pasuria pa punë;

Kënaqësia pa ndërgjegje;

Dija pa karakter;

Feja pa sakrificë;

Politika pa parim;

Shkenca pa humanizëm;

Dhe biznesi pa etikë./gazetashekulli/

Fundi i shkurtit gjithmonë sjellë në ekrane njërën nga ngjarjet më të rëndësishme kulturore në botë.

Akademia e filmit Oscars, mbrëmë ndau çmimet për krijimtarinë në kinematografi, duke shpërblyer ata që u cilësuan si më të mirët në këtë fushë për vitin 2016-të.

Filmi më i mirë i vitit që lamë pas i cili u shpërblye me një statujë të artë ishte Moonlight.

Më poshtë i gjeni të listuara nominimet si dhe fituesit e kategorive të çmimit Oscar:

Filmi më i mirë

  • Fituesi: Moonlight
  • Arrival
  • Fences
  • Hacksaw Ridge
  • Hell or High Water
  • Hidden Figures
  • La La Land
  • Lion
  • Manchester by the Sea

Aktorja më e mirë

  • Fituesja: Emma Stone – La La Land
  • Isabelle Huppert – Elle
  • Ruth Negga – Loving
  • Natalie Portman – Jackie
  • Meryl Streep – Florence Foster Jenkins

Aktori më i mirë

  • Fituesi: Casey Affleck – Manchester by the Sea
  • Andrew Garfield – Hacksaw Ridge
  • Ryan Gosling – La La Land
  • Viggo Mortensen – Captain Fantastic
  • Denzel Washington – Fences

Aktorja më i mirë në rol dytësor:

  • Fituesja: Viola Davis – Fences
  • Naomie Harris – Moonlight
  • Nicole Kidman – Lion
  • Octavia Spencer – Hidden Figures
  • Michelle Williams – Manchester by the Sea

Aktori më i mirë në rol dytësor:

  • Fituesi: Mahershala Ali – Moonlight
  • Jeff Bridges – Hell or High Water
  • Lucas Hedges – Manchester by the Sea
  • Dev Patel – Lion
  • Michael Shannon – Nocturnal Animals

Regjisori më i mirë

  • Fituesi: La La Land – Damien Chazelle
  • Arrival – Denis Villeneuve
  • Hacksaw Ridge – Mel Gibson
  • Manchester by the Sea – Kenneth Lonergan
  • Moonlight – Barry Jenkins

Skenari më i mirë origjinal

  • Fituesi: Manchester by the Sea – Kenneth Lonergan
  • 20th Century Women – Mike Mills
  • Hell or High Water – Taylor Sheridan
  • La La Land – Damien Chazelle
  • The Lobster – Yorgos Lanthimos and Efthimis Filippou

Skenari më i mirë i përshtatur

  • Fituesi: Moonlight – Barry Jenkins and Alvin McCraney
  • Arrival – Eric Heisserer
  • Fences – August Wilson
  • Hidden Figures – Allison Schroeder and Theodore Melfi
  • Lion – Luke Davies

 Kolona zanore më e mirë

  • Fituesi: La La Land – City of Stars by Justin Hurwitz, Benj Pasek and Justin Paul
  • La La Land – Audition by Justin Hurëitz, Benj Pasek and Justin Paul
  • Moana – How Far I’ll Go by Lin-Manuel Miranda
  • Trolls – Can’t Stop the Feeling by Justin Timberlake, Max Martin and Karl Johan Schuster
  • Jim: The James Foley Story – The Empty Chair by J Ralph and Sting

Filmi më i mirë i huaj

  • Fituesi: The Salesman – Iran
  • A Man Called Ove – Sweden
  • Land of Mine – Denmark
  • Tanna – Australia
  • Toni Erdmann – Germany

Kostumografia më e mirë

  • Fituesi: Fantastic Beasts and Where to Find Them – Colleen Atwood
  • Allied – Joanna Johnston
  • Florence Foster Jenkins – Consolata Boyle
  • Jackie – Madeline Fontaine
  • La La Land – Mary Zophres

Mahershala Ali, e ka fituar çmimin Oscar si Aktori më i Mirë në Rol Dytësor, me performancën e tij në filmin e Barry Jenkins, dramën Moonlight, transmeton Klan Kosova.

Aktori ka triumfuar në mesin e Michael Shanon në filmin Nocturnal Aanimal, Jeff Bridges me Hell or High Water, Lucas Hedges në filmin Manchester bt the Sea dhe ndaj fituesit të çmimit BAFTA, Dev patel për rolin në filmin Lion.

Moonlight protagonist nga Chironin përmes tri fazave të jetës së tij.

Ndërsa Ali luan rolin e Juanit, një diler e cili e merr Chironin nën protektorat për ta mbrojtur nga abuzimi emocional i nënës së tij.

Ekipi i filmit “HOME”, i cili fitoi çmimin prestigjioz BAFTA në kategorinë e filmave të shkurtër, ka organizuar një konferencë për media në Prishtinë.

Në konferencë ishin të pranishëm një pjesë e ekipit të filmit nga Kosova, përfshirë producentin Shpat Deda dhe regjisorin Daniel Mulloy si dhe përfaqësues nga Forcat e Sigurimit të Kosovës, policisë së Kosovës dhe mbështetësve të tjerë.

Deda hapi konferencën duke prezantuar ekipin që qëndroi prapa produksionit të filmit dhe duke i falënderuar ata.

“Suksesi vjen në formën e tij më të bukur kur ndahet me njerëz të tjerë, dhe në këtë rast ka aq shumë njerëz me të cilët po e ndajmë. Ky është bekim i vërtetë! HOME e ka bashkuar grupin më të talentuar të njerëzve të rinj me të cilët e kam pasur kënaqësinë të punoj, dhe shërben si një provë shtesë mbi potencialin i cili ekziston në Kosovë. Ne duhet të ndërtojmë më shumë ura në mënyrë që talenti kosovar ta gjejë rrugën në qendrën e vëmendjes botërore sepse tanimë kemi mjaft suksese që na e dëshmojnë se kjo është e mundshme”, tha Deda, raporton Koha.net.

HOME është i pari produksion kosovar i cili shpërblehet me çmimin BAFTA ndërsa filmi pati një sukses të madh nëpër botë pas publikimit në kinematë e Britanisë së Madhe, përfshirë triumfin në mbi 15 shpërblime në festivale botërore dhe nominimin në Akademinë Evropiane të Filmit.

Regjisori i filmit, Daniel Mulloy, theksoi rëndësinë e bashkëpunimit me Kosovën për realizimin e këtij projekti.

“Kosova është vend i jashtëzakonshëm për të bërë filma. Njerëzit e ri kanë shumë talent dhe pasion dhe çdo gjë është e mundur këtu. Mbështetja nga Kosova e bëri këtë film dhe ishte jashtëzakonisht e fortë. Ne kemi bashkëpunuar me shumë institucione përfshirë me policinë dhe me Forcat e Sigurimit të Kosovës, të cilët i kanë sjellë shumë filmit përmes eksperiencës dhe pasionit të tyre. Filmi ynë synon të sjellë ndjeshmëri ndaj krizës aktuale të refugjatëve dhe populli i Kosovës dha aq shumë për të mbështetur këtë mesazh. Ka aq shumë mëshirë, bashkëndjesi dhe talent këtu në Kosovë sa që tashmë është vulosur në secilin kuadër të filmit tonë. Mbështetja që populli i Kosovës na ka dhënë, nga Prishtina në Prizren, është forca më e madhe e filmit tonë. Janë përpjekjet e secilit nga këta individë që kanë mbledhur dhe krijuar këtë sukses. Kjo do të thotë se mesazhi i bashkëndjesisë së filmit dhe të kuptuarit ndaj refugjatëve dhe agonisë prej të cilës ata po ikin do të rezonojnë edhe më tej me publikun përreth botës”, tha Mulloy.

Në konferencë ishin të pranishëm një pjesë e ekipit të ‘Home’ nga Kosova, të cilët ndanë me të pranishmit përvojat e tyre personale të realizimit të projektit.

“Ka qenë një përjetim transformues procesi i të sjellit në jetë këtë film, bashkë me një ekip i cili ka punuar përtej limiteve për të mbështetur një kauzë e cila është ende e afërt në zemrat dhe shtëpitë tona. Mulloy është i shkëlqyer me mënyrën si depërton në shpirtat e njerëzve duke krijuar një film si HOME. Çmimi BAFTA është një testament i potencialit të Kosovës për të siguruar një terren ku filma të mëdhenj mund të krijohen”, tha menaxherja e produksionit, Renea Behluli.

Dizajnerja e produksionit, Mrina Godanca, theksoi vullnetin e njerëzve për të ndihmuar filmin.

“Për mua, sado sfiduese që ka qenë ky projekt, ajo që e ka mbajt në këmbë këtë proces kompleks ka qenë mirëkuptimi, dhembshuria dhe të qenit i hapur, e kjo vlen për të gjithë të involvuarit. Nuk e di pse por ka momente kur prapë befasohem nga vullneti e njerëzve për të ndihmuar njëri-tjetrin. Krejt çka duhet të bësh është ta kërkosh atë. Është mahnitëse. Ne kemi biseduar dhe punuar me persona tërësisht të panjohur për ne dhe ata menjëherë kanë pranuar të jenë pjesë e diçkaje më e madhe se ata. E kjo sidomos kur ata e kuptonin mesazhin e filmit. Ne duhet t’ia rikujtojmë vetes se gjëra të mëdha mund të arrihen edhe në Kosovë nëse punojmë me pasion dhe zell. Për mua, kjo ka qenë një eksperiecë jetësore”, tha Godanca.

Elmedinë Morina, Drejtoresha Artistike në Kosovë, po ashtu ndau përvojën e saj të punës gjatë realizimit të filmit.

“Bashkëpunimi i mirë mes njëri-tjetrit brenda ekipit ka ardhur si rezultat i besimit të ndërsjellë si reflektim i drejtpërdrejtë i besimit të Danielit në secilin prej nesh qysh prej fillimit të përfshirjes tonë në projekt. Të përfshihesh në një projekt të tillë, si një profesionist i ri dhe me vetëbesim të brishtë do të kishte ndikuar në rezultatin e punës, por me mbështetjen dhe besimin e pakusht që Danieli dhe Shpati kanë shfaqë gjatë tërë kohës te ne ka bërë që edhe ne të punojmë me të njëjtin entuziazëm dhe përkushtim, të sigurt në çdo vendim që e kemi marrë. Ne kemi pasur rastin të punojmë me një numër të madh personash që kanë treguar gatishmëri dhe mbështetje të pakusht ndaj nesh. Kjo na ka mësuar që kur je i përkushtuar dhe i sinqertë në punën që bën dhe ndaj personave me të cilët bashkëpunon, rezultatet pozitive janë të pashmangshme”, tha Morina.

Nita Deda, Drejtoreshë e DokuFest si dhe Line Producer në filmin ‘Home’, foli për përvojën e saj dhe rëndësinë e çmimit. “Pjesa më e bukur e përvojës sime në këtë film ka qenë entuziazmi dhe përkushtimi që e kemi nda si ekip, ku gjatë tre ditëve aspak të lehta të xhirimit ka ardhur në pah puna dhe planifikimi paraprak që e kemi bërë me muaj të tërë. Fakti që ekip ynë ka qenë në të njëjtin nivel profesional me ekipin shumë të eksperiencuar nga Anglia tregon potencialin profesional të rinisë së Kosovës kur fuqizohemi dhe kur besohet në talentin tonë”, theksoi Deda.

“Si bashkëproducentë të filmit, ne në DokuFest jemi tepër krenarë që kemi qenë pjesë e familjes që e ka jetësuar këtë projekt. Suksesi i tij është frymëzim për të gjithë ne që punojmë në kulturë dhe që dimë për rëndësinë e komunitetit edhe magjisë që ndodhë kur njerëzit bashkohen rreth një ideje dhe kauze. Çmimi BAFTA është edhe një dëshmi se projektet e tilla kulturore janë mënyra më e mirë përmes të cilës mundemi ta prezantojmë vendin tonë ende të izoluar, dhe si të tilla meritojnë mbështetje”, tha Deda.

Shpend Qamili nga Zyra e Koordinatorit për Zhvillim të Kombeve të Bashkuara në Kosovë, të cilët ishin mbështetësit të filmit, tha: “UN Kosovo Team mbështet të talentuarit, novatorët dhe entuziastët që e donë Kosovën. Qysh në fillim kemi vënë re mundësitë e këtij projekti në lidhje me promovimin çështjes së refugjatëve, vështirësive që ata kalojnë, dhunës dhe cenimit të drejtave të tyre. HOME reflekton këtë nga zemra e qytetarëve të Kosovës. Filmi gjithashtu promovon edhe talentët e shumtë dhe mundësitë që industria e filmit dhe arti në përgjithësi mund të krijojë në Kosovë. Ne do të vazhdojmë të përkrahim projekte të tilla”, tha Qamili.

HOME është bashkë-produksion i DokuFest, Somesuch dhe Black Sheep Studios me aktorët Jack O’Connell dhe Holliday Grainger në rolet kryesore. Filmi 20 minutësh është xhiruar në Kosovë dhe Britani të Madhe dhe e thekson gjendjen e refugjatëve dhe dhunës me të cilën përballen qindra mijëra njerëz në të gjithë botën.

Katër orë film dokumentar për Princeshën Diana, do të transmetohet në televizionin amerikan ABC gjatë muajit gusht, për të shënuar 20 vjetorin e vdekjes së saj.

Ky dokumentar, që është bashkëpunim në mes dy mediumeve amerikane ABC dhe People, do të përmbajë intervista me bashkëpunëtorë të afërt të Dianës e po ashtu edhe video nga arkiva, shkruan Hollywood Reporter, transmeton Klan Kosova.

Dokumentari do të flasë edhe për periudhën pas vdekjes së saj në një aksident me veturë me 31 gusht të vitit 1997-të në moshën 36 vjeçare. Por data e lansimit të dokumentarit, ende nuk është bërë e ditur.

Kur shikohet një film, shikuesit habiten shumë në domethënien e asaj storie, saqë hyjnë tërësisht në botën e atyre figurave me anë të cilave shprehet e gjithë ajo që synohet. Kjo është arsyeja që rrallë herë verejmë ndonjë gabim që është bërë gjatë inqizimit apo montazhës së atij fimi, transmeton lajmi.net 

Ndoshta edhe mungon syri kritik, pra shikuesit e shohin atë për storien dhe jo për cilësinë e realizimit të tij. Më poshtë keni 10 filmat të cilët pas publikimit janë hasur gabime në to. /Lajmi.net/

Secilin vit, një numër i madh i serialeve televizive me pak episoda publikohen e shfaqen nëpër botë.

Mes tyre, janë disa seriale shumë të mira që ia vlejnë të shihen por që ndonjëherë me dashje ose pa dashje mund t’i humbasim ato, në mesin e shumë ofertave që kemi para vetes, transmeton Klan Kosova.

Më poshtë shihni disa prej këtyre serialeve që janë të shkurtra, por që ia vlen t’i shihni.

Our Zoo

In the Flesh

The Witness for the Prosecution

The Lost Honour of Christopher Jefferies

The Jinx: The Life and Deaths of Robert Durst

Hit & Miss

Roots

My Mother and Other Strangers

The Secret

River

Doctor Foster

Rillington Place

Thirteen

The Living and the Dead

Shkrimtari Fadil Kraja kujton se shprehja më e famshme e Sali Berishës në fillim të viteve ’90 ishte: Opozitarë por vëllezër!

Sot pas më shumë se dy dekadash, shkrimtari rrëfen se këtë parim e zbatoi më së miri Dritëro Agolli.

Ai kujton se i ndjeri Agolli kritikonte edhe të majtën dhe godiste edhe Fatos Nanon kur rrihte gjoksin për meritokraci, të cilën shkrimtari e quajti shkërdhatokraci.

Ah moj Jozefinë, gugushe në thekën

Për ty Fatos Nano mban fjalim pa mjekër

Ah moj Jozefinë zogës nën koritë

Për ty Namik Dokle hidhet në opozitë

“Ai ishte i pajtimit, paqes dhe mirëkuptimit”, thotë shkrimtari Fadil Kraja. Pak ditë më parë, Topalli tha se Agolli dhe disa deputetë të tjerë socialistë i kishin shkruar poezi në Parlament.

Largimi nga jeta i shkrimtarit Dritëro Agolli pasditen e djeshme ka ndezur në masë reagimin publik duke ndjerë mjaft keqardhje për shuarjen e një prej gjenive të letrave shqipe.

Agolli, përveçse shkrimtar ka qenë edhe një njeri shumë pranë medias ku hera herës publikonte artikujt e tij për mendime personale lidhur me ngjarje të rëndësishme.

Një të tillë e ka publikuar në “Gazeta Shqiptare” në vitin 2010 ku një ngjarje e rëndë ishte temë e ditës. Bëhej fjalë për ngritjen e një memoriali për vrasjen e një ushtari grek që u shoqërua edhe me prishje të varreve të vjetra ekzistuese të banorëve të zonës së Boboshticës. “Balkanweb” ka publikuar një pjesë të këtij shkrimi ditën e sotme.

“Dhe pas asaj që ndodhi, nuk besoj të ketë njeri me mend, që të lërë ndonjë testament ku të kërkojë t’i bëjnë ndonjë bust a përmendore. Qoftë ky inxhinier me famë, shkencëtar apo poet, askush nuk ka më dëshirë të bëhet monument për të. Unë për vete nuk do të kisha dëshirë të më bëhej, gjithnjë nëse do ta meritoja.

Madje, siç ka ardhur një kohë që mbi kockat tona vijnë e ngrihen kryqe e gjysmëhëna në varreza, më mirë do të ishte që ta digjnin trupin, ta kthenin në hi dhe ta hidhnin në lumë, në Devoll. Aty askush nuk e gjen dot. Edhe unë po mendoj për këtë gjë; sa të dhjesin grekët mbi mua, më mirë të më digjet trupi e të hidhet në Devoll, se aty s’kanë nga ta gjejnë” – ka shkruar Dritëro Agolli duke mbetur një atdhetar deri ditën e fundit./blitz.al