Në moshën shtatëvjeçare, fotografja e agjencisë Magnum, Diana Markosian, u dërgua në Kaliforni nga nëna e saj, pa i thënë lamtumirë babait. Gati dy dekada më vonë, ajo udhëtoi në Armeni në kërkim të tij, raporton BBC, transmeton Telegrafi.

“Babai zhdukej me muaj në atë kohë. Pastaj, papritmas kthehej në shtëpi. Një ditë ishte radha jonë për t’u larguar. Ishte viti 1996. Nëna më zgjoi dhe më tha të paketoja gjërat e mia. Tha se po shkonim në një udhëtim dhe mëngjesin tjetër arritëm në shtëpinë e re, në Kaliforni. Nuk i kemi thënë kurrë lamtumirë babait”.

Markosian e dokumentoi fëmijërinë e saj në projektin e vitit 2013-2014, “Rizbulimi i babait tim”. Ishte ky një eksplorim personal në Armeni, për të vizituar babanë që kishte lënë gati 20 vjet më parë.

“Mësova se nëna vendosi një shpallje Los Angjelos ku tha ishte një grua e re nga Moska që donte të shihte Amerikën. Dhjetëra burra u përgjigjën, por ajo zgjodhi njërin nga Santa Barbara”, ka thënë Markosian.”Nëna më zgjoi një mëngjes dhe tha: ‘Po shkojmë në një udhëtim’. Mbaj mend se fluturoja gjatë dhe më në fund u ulëm, në Kaliforni, dhe se ky burrë u takua me nënën time… kurrë nuk kam menduar se nuk do ta shoh më babanë”.

Në projektin tjetër “Përmes objektivit”, Markosian përshkruan udhëtimin me vëllain ku gjejnë valixhen që gjyshi e kishte mbushur me letra të kthyera që i kishte dërguar në SHBA në përpjekjen për t’i gjetur, si dhe shpalljen në gazetë ku kërkon informata për “nipin e mbesën e zhdukur”.

Videon mund ta shihni: KËTU.