Anglia ka arritur të mposht Gjermaninë me rezultat 2-0 në kuadër të 1/8 së finales, duke siguruar çerekfinalen.

Anglezët ishin pak më të mirë në fillimin e pjesës së parë duke rrezikuar portën e gjermanëve në dy raste.

Fillimisht gjuajti me kokë dy herë mbrojtësi Harry Maguire, por në të dyja rastet goditja ishte e plogështe.

Rreziku më i madh për gjermanët ishte Raheem Sterling, që gjuajti bukur nga 20 metra, ndërsa Manuel Neuer me shumë mund largoi topin.

Në minutën e 34-të ishte Timo Werner, që kishte rastin më të mirë, ku i vetëm me portierin Jordan Pickford, nuk shënoi.

Edhe Harry Kane kishte rast të mirë në kohën shtesë, por në tentim për të kaluar portierin, u ndal nga Mats Hummels.

Pjesa e dytë nisi më mirë për gjermanët që rrezikuan që në minutën e 49-të me Kai Havertz, i cili gjuan, por Pickord ishte në vend.

Minuta tjerë të fillimit të kësaj pjesëloje ishin më të qeta, që u kthye në lojë fizike dhe me ndërprerje.

Anglia shënoi në minutën e 75-të, pas një aksioni model, pasi Sterling nisi gjithçka, ndërsa e gjithë faza e sulmit ishin meritorë, ndërsa pasimin e fundit e dha Shaeë, ndërsa Sterling shënoi nga afër për 1-0.

Në minutën e 82-të gjermanët lehtë kanë mundur të barazojnë rezultatin, ku Havertz pasoi bukur te Muller i cili i vetëm me Pickford nuk qëlloi portën.

Kjo iu hakmor gjermanëve pasi pësuan edhe njëherë në minutën e 86-të.

Jack Grealish harkoi bukur në zonë, ndërsa Harry Kane shënoi me kokë për 2-0, e që ishte goli i tij i parë në Euro 2020.

Deri në fund Gjermania tentoi të bëjë diçka më shumë, por nuk ia arriti të hap ndeshjen.

Anglia kalon në çerekfinale për herë të parë pas vitit 1996.