Një mashkull u gjet i vdekur në veturën, e cila kishte rënë në lumin Ibër.
Kështu njofton Policia e Kosovës në raportin ditor.
Vdekjen e viktimës e konstatoi mjeku kujdestar në vendin e ngjarjes, ku gjithashtu ishte edhe prokurori i shtetit, me urdhërin e të cilit trupi i pajetë u dërgua për obduksion.
Njoftimi i plotë:
Fshati Kamenicë, Leposaviq 10.10.2018-NN. Është raportuar se viktima mashkull është gjetur në një veturë, e cila kishte rënë në lumin Ibër. Viktima në vendin e ngjarjes është gjetur pa shenja jete, vdekjen e të cilit e ka konstatuar mjeku kujdestar. Në vendin e ngjarjes kanë dalë njësitë relevante të policisë, zjarrfikësit dhe prokurori i shtetit dhe me urdhër të tij trupi i pajetë është dërguar në Institutin e Mjekësisë Ligjore për obduksion.