Instituti Kombëtar i Shëndetit Publik në Kosovë (IKSHPK), ka regjistruar sot edhe 21 raste të reja me virusin korona, pas testimit të 2.114 mostrave në laboratorët shtetërorë dhe privatë, raporton Llapi.info.

Siç ka njoftuar ky Institut, brenda 24 orëve është raportuar një rast i vdekjes me SARS CoV-2 pozitiv, derisa janë shëruar 111 pacientë.

IKSHPK ka bërë të ditur edhe për 2 rast pozitive me COVID-19 në rajonin e Podujevës.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,533 pacientë me këtë virus. Prej tyre 2,247 kanë vdekur, kurse janë shëruar deri më sot 104.454. Në total numri i rasteve aktive është 832./Llapi.info