Instituti Kombëtar i Shëndetit Publik në Kosovë (IKSHPK), ka regjistruar sot edhe 10 raste të reja me virusin korona, pas testimit të 2.143 mostrave në laboratorët shtetërorë dhe privatë, raporton Llapi.info.

Siç ka njoftuar ky Institut, brenda 24-orëve nuk është raportuar asnjë rast i vdekjes me SARS CoV-2 pozitiv, derisa janë shëruar 16 pacientë. Rastet e reja janë nga Komunat: Prishtinë 4 raste, Podujevë 2 rate, Gjilan 2 raste, 1 rast në Suharekë dhe një në Ferizaj.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,810 pacientë me këtë virus. Prej tyre 2,261 kanë vdekur, kurse janë shëruar deri më sot 105.397. Në total numri i rasteve aktive është 152./Llapi.info